Usa jw.org näꞌä luga di pe̱ꞌtsihu̱ ha Internet pa gi ungä ntꞌo̱de: «Preguntas sobre la Biblia»

Ha rä jw.org habu̱ enä «Enseñanzas bíblicas», di tinihu̱ habu̱ enä «Preguntas sobre la Biblia». Xä ñho gä pädihu̱ te mä ntꞌani huxkua, pa njabu̱, toꞌo dä yꞌo̱tkägihu̱ nꞌa de nuya yä ntꞌani, dä za gä ku̱tꞌihu̱ ha nunä luga di pe̱ꞌtsihu̱ ha Internet pa gä utihu̱ rä mpengi näꞌä rä ntꞌani bi yꞌo̱tꞌe. ꞌNehe, ko nuya yä ntꞌani, dä za gä fu̱dihu̱ gä nzofohu̱ yä zi jäꞌi. ¿Hanja dä za gä jahu̱? Mꞌe̱tꞌo, dä za gä huahnihu̱ nꞌa rä ntꞌani näꞌä di pädihu̱ ge tupäbi yä mu̱i yä jäꞌi de ha mä territoriohu̱. ꞌNepu̱, gä ambäbihu̱ nuꞌu̱ yä zi jäꞌi te di mbeni de nunä rä ntꞌani. Mꞌe̱fa, ja ngu hutsꞌi ha jw.org, gä utihu̱ näꞌä jäꞌi te mää rä Mäkä Tꞌofo. Pa ri uadi, gä xipäbihu̱ ge nunä imformasion dä häihu̱ ha jw.org. Mu̱ dä za, gä ku̱tꞌihu̱ ha jw.org pa dä hñetise̱ näꞌä jäꞌi rä mpengi näꞌä rä ntꞌani bi yꞌo̱tꞌe. Rä ꞌme̱hñä nꞌa rä superintendente biajante xä bo̱nibi xä ñho nuꞌmu̱ embäbi yä jäꞌi: «Ndunthi yä zi jäꞌi di ñꞌani mu̱ Äjuä go rä tsꞌoki po nuꞌu̱ yä sufrimiento di nheki, ¿gi hohmä ge ko ho̱nse̱ 51 segundo gi yꞌo̱de rä mpengi nunä ntꞌani?». ꞌNepu̱, näꞌä rä nju ju̱ rä celular ꞌne e̱ntsꞌi näꞌä audio xä käꞌmi de jw.org. Mꞌe̱fa, uti näꞌä rä ntheke 11 de rä mfistꞌofo Enseña.