Pe̱ꞌspäbi rä komfiansa rä Zi Dada Jeoba ora gi ñhandui yä ñꞌäbojä

Ha nuya yä gäxä pa, di thogihu̱ ndunthi yä xuñha ꞌne yä dumu̱i. Entremäs ꞌmu̱i getbu̱ rä fin, mänꞌa ri ndunthi yä xuñha ꞌne yä sufrimiento. Rꞌabu̱ asta dä za gä thogihu̱ rä ñꞌäbojä ꞌne rä thuhu (Hab 3:16-18). ¿Te ma dä maxkägihu̱ gä ñhanduihu̱ nuya yä xuñha? Mähyoni gä sigi gä pe̱ꞌspäbihu̱ rä komfiansa rä Zi Dada Jeoba. Näꞌä di prometegihu̱ ge hindi mporta te dä thogi, Näꞌä ma dä sugägihu̱ ꞌne ma dä rꞌakägihu̱ näꞌä di honihu̱ (Sl 37:18, 19; Heb 13:5, 6).

Te dä za gi pe̱fi:

• Xatuäbi rä Zi Dada Jeoba pa dä ꞌñutꞌäꞌi te debe gi pe̱fi. Yꞌapäbi ge dä maxꞌäꞌi ꞌne dä rꞌaꞌi rä mfädi (Sl 62:8).

• Asepta nꞌa rä ꞌme̱fi mäske rä sencillo o mäske hindi njutꞌi ndunthi (g-S 1/10 yä nxii 8, 9, ꞌne yä rekuadro).

• Japi dä ze̱di ri ntsitsꞌi ko rä Zi Dada Jeoba. Pa geꞌä, hñeti rä Biblia hyaxtho, ntini ha yä mhuntsꞌi ꞌne predika.

HYANDIHU̱ RÄ BIDEO MA GÄ HOKIHU̱ NꞌA RÄ NGUU NÄꞌÄ DI TSE̱TI: JOHYAHU̱ «KO NÄꞌÄ YA GI PE̱ꞌTSHU̱». MꞌE̱FA THÄDIHU̱ NUYA YÄ NTꞌANI:

• ¿Te mä xuñha di ñhandui rꞌa yä zi ku?

• ¿Te mä tꞌo̱tꞌe mänꞌa di mporta ha mä bidahu̱?

• ¿Hanja dä za gä fatsꞌihu̱ nuꞌu̱ yä zi ku di ñhandui rä ñꞌäbojä ꞌne rä ñhoya?