Ma gä sigihu̱ gä ndo̱ꞌmihu̱ ꞌne gä ze̱tihu̱

¿Por hängu tiempo xkä to̱ꞌmi dä zo̱ho̱ rä Tsꞌu̱tꞌhui Äjuä? ¿Xkä ndo̱ꞌmi ko rä pasensia mäske gi thogi yä xuñha? (Ro 8:25). Ndunthi yä ku thogi yä ntꞌu̱tsate, yä ntsꞌomꞌu̱i, yä amenäsa ꞌne yä ñheni. Märꞌaa asta xä tꞌe̱ntꞌä fadi o thogi yä xuñha ngeꞌä ya yä zi däta jäꞌi.

¿Te ma dä maxkägihu̱ pa gä sigi gä ndo̱ꞌmihu̱ ꞌne gä ze̱tihu̱, dä thogi näꞌä dä thogi? Pe̱ꞌtsi te gä japihu̱ dä ze̱di mä komfiansahu̱ po mäde de gä hetihu̱ rä Mäkä Tꞌofo hyaxtho, gä hudihu̱ gä ntso̱ꞌmihu̱ pa gä e̱nthu̱ ha mä korasohu̱ näꞌä di hetihu̱, ꞌne hingä häkihu̱ de ha mä mfenihu̱ näꞌä humu̱i di pe̱ꞌtsihu̱ (2Co 4:16-18; Heb 12:2). Pe̱ꞌtsi te gä bäntebihu̱ rä Zi Dada Jeoba ge dä rꞌakägihu̱ rä tsꞌe̱di po mäde de rä espiritu santo (Lu 11:10, 13; Heb 5:7). Mä Zi Dadahu̱ Jeoba ma dä maxkägihu̱ pa gä sigi gä «tse̱tꞌhu̱ ko rä johya ꞌne rä pasensia» (Col 1:11).

HYANDIHU̱ RÄ BIDEO PE̱ꞌTSI TE GÄ TSE̱TIHU̱ NUNÄ RÄ NHEXTꞌI: MA GÄ PE̱ꞌTSIHU̱ RÄ KOMFIANSA GE HÄÄ MA GÄ NTÄTEHU̱. MꞌE̱FA THÄDIHU̱ NUYA YÄ NTꞌANI:

• 

  ¿Te mä tsꞌo thogi dä za dä zo̱kägihu̱ nse̱kitho? (Ec 9:11).

• 

  Ora di thogihu̱ yä prueba, ¿hanja dä za dä maxkägihu̱ gä xatuäbihu̱ Jeoba?

• 

  Mu̱ ya hingi tsa gä pe̱päbihu̱ Jeoba ngu ndi jahu̱ änte, ¿por hanja mänꞌa xä ñho gä handihu̱ näꞌä tobe hää dä za gä pe̱fihu̱?

• 

  ¿Te faxꞌäꞌi pa gi sigi gi pe̱ꞌtsi rä komfiansa ge Jeoba hää ma dä rꞌakägihu̱ näꞌä xä prometegihu̱?