4-10 DE RÄ MÄRSO
SALMOS 16, 17
Rä jähñä 111 ꞌne rä sadi | Mää te ma gä pädihu̱ (1 min.)
1. De rä Zi Dada Jeoba bi ehe gatꞌho näꞌä xä ñho
(10 min.)
Gä pe̱ꞌtsihu̱ nuꞌu̱ yä hogä amigo pe̱päbi rä Zi Dada Jeoba geꞌä jakägihu̱ gä johyahu̱ (SI 16:2, 3; w18.12-S rä nxii 26, rä parr. 11).
Xa di sentihu̱ rä johya ꞌne di jamädihu̱ ora di pädihu̱ ge di pe̱ꞌspäbihu̱ rä jäpi Jeoba (Sl 16:5, 6; w14-S 15/2 rä nxii 29, rä parr. 3).
Nuju̱ hindi tsuhu̱ ngeꞌä di pädihu̱ ge rä Zi Dada Jeoba di sugägihu̱ (Sl 16:8, 9; w08-S 15/2 rä nxii 3, yä parr. 2, 3).
Ja ngu David, mä bidahu̱ ja ndunthi rä muui ngeꞌä di usahu̱ pa gä pe̱päbihu̱ Jeoba.
ÑꞌANISE̱: «¿Hanja xä magi dende nuꞌmu̱ dä fu̱di dä pe̱päbi rä Zi Dada Jeoba?».
2. Hyoni hanja dä maxꞌäꞌi rä Noya Äjuä
(10 min.)
Sl 17:8. ¿Te bi ne bi mää David ora bi ꞌñembäbi Äjuä ge xä su ngu rä ꞌmoda? (it-2-S rä nxii 491).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä Mäkä Tꞌofo
(4 min.) Sl 17:1-15 (th rä lección 5).
4. Fu̱di gi ñäui yä jäꞌi
(1 min.) PREDIKA HA YÄ NGUU. Umbäbi nꞌa rä imbitasio pa rä Fenäte de rä du rä Hesu näꞌä jäꞌi (th rä lección 11).
5. Fu̱di gi ñäui yä jäꞌi
(3 min.) PREDIKA HA YÄ NGUU. Umbäbi nꞌa rä imbitasio pa rä Fenäte de rä du rä Hesu näꞌä jäꞌi, ꞌne mu̱ bi yꞌo̱de xä ñho ꞌñuti rä bideo Rä Fenäte de rä du rä Hesu (th rä lección 9).
6. Fu̱di gi ñäui yä jäꞌi
(2 min.) PREDIKA HABU̱ GATꞌHO GI YꞌO. Umbäbi nꞌa rä imbitasio pa rä Fenäte de rä du rä Hesu näꞌä jäꞌi (th rä lección 2).
7. Fatsꞌi yä jäꞌi dä me̱päbi Äjuä
(5 min.) Usa rä lff rä lección 14, rä mu̱di parrafo ꞌne yä punto 1-3 (th rä lección 6).
Rä jähñä 20
8. ¡Ma gä ñhokihu̱ pa rä Fenäte de rä du rä Hesu!
(15 min.) Yꞌapäbi rä mfatsꞌi nuꞌu̱ xä ntini.
Rä ndomingo 24 de rä märso ma gä muntsꞌihu̱ pa gä o̱tꞌehu̱ rä Fenäte de rä du rä Hesu ja ngu bi mändaꞌä. Ha nunä Fenäte ma gä benihu̱ hängu rä mhäte bi ꞌñudi rä Zi Dada Jeoba ꞌne rä Hesu po gekhu̱ (Lu 22:19; Jn 3:16; 15:13). Xi nuꞌi, ¿hanja dä za gi ñhoki dende änte pa rä Fenäte de rä du rä Hesu?
Mfaxte ko ndunthi ri ganä pa gi mbitabi yä jäꞌi dä ntini kongekhu̱ ha rä discurso especial ꞌne ha rä Fenäte de rä du rä Hesu. Hyoki nꞌa rä lista de gatꞌho nuꞌu̱ yä jäꞌi dä za gi mbitabi. Mu̱ nꞌa de nuꞌu̱ yä jäꞌi gi ne gi mbitabi bi ꞌmu̱i ha mä nꞌa rä luga, hyoni ha jw.org te mä ora ꞌne habu̱ ma dä tꞌo̱tꞌe tanto rä discurso especial ngu rä Fenäte de rä du rä Hesu.
Predika mä nꞌa tu̱i durante yä zänä märso ꞌne abril. ¿Gi pädi? Durante nuya yä zänä nuꞌi dä za gi mprecursor auxiliar ko ho̱nse̱ 15 o 30 yä ora.
Dende rä 18 de rä märso fu̱di gi hñeti ha rä Mäkä Tꞌofo näꞌä bi thogi rä Hesu nuꞌu̱ yä gäxä pa bi mꞌu̱kua ha rä Xiꞌmhai. Ha yä nxii 6 ꞌne 7 ma gi tini rä programä «Hñeti rä Biblia durante rä Fenäte de rä du rä Hesu 2024». Go ma gi desidi te mä testo ma gi hñeti.
Hyandi ha jw.org näꞌä adoración matutina ma dä ꞌmo̱ꞌtse pa näꞌä rä pa de rä Fenäte de rä du rä Hesu.
Durante rä Fenäte, umbäbi nꞌa rä hogä ꞌñehe nuꞌu̱ yä zi jäꞌi di ntini po ri mu̱di ꞌne nuꞌu̱ yä ku xä ꞌuege de rä mhuntsꞌi. Xti uadi rä Fenäte, xipäbi nuꞌu̱ yä zi jäꞌi ge mu̱ pe̱ꞌtsi yä ntꞌani dä za gi fatsꞌi. ꞌNehe xipäbi ge gi hohmä gi tso̱ni ha yä nguu. Mu̱ gi jabu̱, zäi ma dä ne dä bädi mä nꞌa tu̱i de Äjuä.
Änte dä de datꞌi rä Fenäte de rä du rä Hesu ꞌne ya xti thogi, beni te gatꞌho bi me̱fi rä Zi Dada Jeoba ꞌne rä Hesu po gekhu̱.
Yꞌe̱ntsꞌihu̱ rä BIDEO Rä Fenäte de rä du rä Hesu. Mꞌe̱fa yꞌo̱tꞌe nunä rä ntꞌani:
¿Hanja dä za gä usahu̱ nunä bideo nuꞌu̱ yä pa ma gä unihu̱ yä imbitasio?
9. Ntꞌudi de rä Mäkä Tꞌofo ha rä mhuntsꞌi
(30 min.) bt rä ntheke 4, rä rekuadro de rä nxii 33.