1-7 DE RÄ ABRIL
SALMOS 23-25
Rä jähñä 4 ꞌne rä sadi | Mää te ma gä pädihu̱ (1 min.)
1. «Jeoba geꞌä mä mayꞌo»
(10 min.)
Jeoba di gu̱nkägihu̱ (Sl 23:1-3; w11-S 1/5 rä nxii 31, rä parr. 3).
Jeoba di sugägihu̱ (Sl 23:4; w11-S 1/5 rä nxii 31, rä parr. 4).
Jeoba rꞌakägihu̱ rä ñhuni de rä Mäkä Noya (Sl 23:5; w11-S 1/5 rä nxii 31, rä parr. 5).
Yä hogä mayꞌo su xä ñho yä zi de̱ti. Njabu̱ ꞌnehe, Jeoba su xä ñho yä ꞌme̱go.
ÑꞌANISE̱: «¿Hanja xtä handi ge sugägi Jeoba?».
2. Hyoni hanja dä maxꞌäꞌi rä Noya Äjuä
(10 min.)
Sl 23:3. ¿Te me̱ꞌä näꞌä rä hogä ꞌñuu de gä justisia no̱ni ha nunä testo ꞌne hanja dä za gä nsuhu̱ pa hingä po̱nihu̱ de gehnä? (w11-S 15/2 rä nxii 24, yä parr. 1-3).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä Mäkä Tꞌofo
(4 min.) Sl 23:1–24:10 (th rä lección 5).
4. Fu̱di gi ñäui yä jäꞌi
(3 min.) PREDIKA HABU̱ GATꞌHO GI YꞌO. Koꞌmu̱ näꞌä jäꞌi turämu̱i po näꞌä rä dañu xä tꞌo̱tꞌpäbi rä Xiꞌmhai, ꞌñuti nꞌa rä testo näꞌä dä nupäbi rä mfeni (lmd rä lección 2 rä punto 5).
5. Tso̱ni mänꞌaki yä jäꞌi
(4 min.) PREDIKA HA YÄ NGUU. Koꞌmu̱ näꞌä jäꞌi bi hñäni rä foyeto ¡Johya pa nzäntho!, ꞌñuti tengu nuꞌu̱ yä curso de rä Biblia di unihu̱ (lmd rä lección 9 rä punto 3).
6. Fatsꞌi yä jäꞌi dä me̱päbi Äjuä
(5 min.) Usa rä lff rä lección 14, rä punto 4 (lmd rä lección 11 rä punto 3).
Rä jähñä 54
7. Ogi jamäsu nuꞌu̱ yä mfeni bi ehe de rä Zithu
(15 min.) Yꞌapäbi rä mfatsꞌi nuꞌu̱ xä ntini.
Yä de̱ti jamäsu rä voz näꞌä toꞌo xä nzäi fadi. Pe ora o̱de rä voz mä nꞌa rä mayꞌo, nguntꞌä di ꞌuege de geꞌä ngeꞌä hingi pätuäbi rä voz (Jn 10:5). Geꞌä thogi kongekhu̱ ꞌnehe. Nuju̱ se̱he̱ di pe̱ꞌspäbihu̱ rä komfiansa ꞌne di o̱tehu̱ rä voz rä Zi Dada Jeoba ꞌne rä Hesu, ngeꞌä nuꞌu̱ xä ꞌñudi ge di mäkägihu̱ ꞌne honi mä ñhohu̱ (Sl 23:1; Jn 10:11). Pe hindi jamäsuhu̱ nuꞌu̱ yä mfeni ne dä tsꞌoni mä ntsitsꞌihu̱ ko Äjuä (2Pe 2:1, 3).
Ha rä capítulo 3 de Génesis pede de näꞌä bi thogi nuꞌmu̱ rä Zithu bi nzofo Eva. Rä Zithu bi usa nꞌa rä kꞌeñä pa njabu̱ Eva himbi bädi mi toꞌoꞌä. ¿Te mi ne dä logra? Mi ne ge Eva xä hyandi Äjuä ngu nꞌa rä tsꞌomꞌu̱i. Hänge rä Zithu bi paati nuꞌu̱ yä noya xki mängä rä Zi Dada Jeoba pa bi hyatꞌi näꞌä ꞌme̱hñä. ¿Te bi thogi mꞌe̱fa? Koꞌmu̱ Eva bi jamäsu näꞌä bi xipäbi rä Zithu, näꞌä ꞌne rä familia bi xofo ndunthi yä xuñha.
Mäpaya rä Zithu honi dä tsꞌoni mä mfenihu̱ pa gä dudahu̱ de Jeoba ꞌne de rä hnini. Pa geꞌä xani yä nkꞌuamba tanto ha yä notisia, ha internet ꞌne de märꞌa yä forma. ¿Te debe gä o̱tꞌehu̱ mu̱ dä zo̱kägihu̱ o gä o̱dehu̱ nꞌa de nuya yä nkꞌuamba? ¡Ogi jamäsu! Mu̱ gi hyandi o mu̱ gi o̱de näꞌä te mhää, ma dä tsꞌoni ri mfeni. ¿Gi beni hängu yä noya bi japäbi mꞌe̱di rä Zithu pa bi hyatꞌi Eva? Se̱he̱ nꞌa hängutho (Gé 3:1, 4, 5). Pe, ¿te ma gä pe̱fihu̱ mu̱ näꞌä rä nkꞌuamba bi ehe de nꞌa rä jäꞌi näꞌä di mäkägihu̱ o de mä familiahu̱?
Yꞌe̱tsꞌihu̱ rä BIDEO Ogi jamäsu nuꞌu̱ yä mfeni bi ehe de rä Zithu. Mꞌe̱fa yꞌo̱tꞌe nuya yä ntꞌani:
¿Te bi me̱fi Coral nuꞌmu̱ rä nänä mi ne dä ꞌñuti nuꞌu̱ yä nkꞌuamba xki zu̱di ha internet de yä testigo rä Jeoba? ¿Te dä za gä pädihu̱ de rä ejemplo Coral?