8-14 DE RÄ ABRIL
SALMOS 26-28
Rä jähñä 34 ꞌne rä sadi | Mää te ma gä pädihu̱ (1 min.)
1. Te bi matsꞌi rä David pa bi ñꞌo mänjuäntho ante yä da Jeoba
(10 min.)
David mi apäbi Jeoba dä matsꞌi dä me̱ꞌtsi nꞌa rä mꞌu̱i xä ntꞌaxi (Sl 26:1, 2; w04-S 1/12 rä nxii 14, yä parr. 8, 9).
David himi ho dä ntsitsꞌi ko yä tsꞌomꞌu̱i jäꞌi (Sl 26:4, 5; w04-S 1/12 rä nxii 15, yä parr. 12, 13).
David xa mi ho dä xo̱kämbeni Jeoba (Sl 26:8; w04-S 1/12 rä nxii 16, yä parr. 17, 18).
Mäske David rꞌabu̱ mi o̱tꞌe yä tsꞌoki, näꞌä nzäntho mi o̱tꞌe ntsꞌe̱di pa dä ñꞌo mänjuäntho ante yä da rä Zi Dada Jeoba (1Re 9:4). Hää, David xa mi mädi Jeoba ꞌne mi pe̱päbi ko gatꞌho rä koraso.
2. Hyoni hanja dä maxꞌäꞌi rä Noya Äjuä
(10 min.)
Sl 27:10. ¿Hanja dä za hubgä mä mu̱ihu̱ nunä testo mu̱ nꞌa de mä familiahu̱ dä bandonägihu̱? (w06-S 15/7 rä nxii 28, rä parr. 15).
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?
3. Hñeti rä Mäkä Tꞌofo
(4 min.) Sl 27:1-14 (th rä lección 2).
4. Fu̱di gi ñäui yä jäꞌi
(2 min.) PREDIKA HA YÄ NGUU. Umbäbi näꞌä jäꞌi nꞌa de nuꞌu̱ yä tratado ehe ha «Yä erramienta pa gä udihu̱» (th rä lección 3).
5. Tso̱ni mänꞌaki yä jäꞌi
(4 min.) PREDIKA HA YÄ NGUU. Ñä ko näꞌä jäꞌi de näꞌä rä ntꞌani ehe ha rä gäxä nxii de näꞌä rä tratado gä tsokuäbi nuꞌmu̱ gä predikabi. Mꞌe̱fa ku̱tꞌi ha jw.org ꞌne ꞌñuti nꞌa rä imformäsio (lmd rä lección 9 rä punto 3).
6. Discurso
(5 min.) Usa rä lmd habu̱ enä «Rä mfatsꞌi A» rä punto 3. Título: Ma dä uadi nuꞌu̱ yä dañu xä tꞌo̱tꞌpäbi rä Xiꞌmhai (th rä lección 13).
Rä jähñä 128
7. Nuꞌu̱ yä bäsjäꞌi pe̱ꞌtsi nꞌa rä mꞌu̱i xä ntꞌaxi
(15 min.) Yꞌapäbi rä mfatsꞌi nuꞌu̱ xä ntini.
Nuꞌu̱ yä bäsjäꞌi pe̱päbi Jeoba xä o̱tꞌe ntsꞌe̱di po dä me̱ꞌtsi nꞌa rä mꞌu̱i xä ntꞌaxi. Mäske nuꞌu̱ ꞌnehe yä imperfecto ꞌne rꞌabu̱ xa tse̱di nuꞌu̱ yä nkꞌatꞌä jäꞌi tso̱päbi, nuꞌu̱ di dominä yä ndoyꞌo ꞌne yä mfeni pa dä mꞌu̱i xä ntꞌaxi ante yä da Jeoba (Ro 7:21; 1Co 7:36). Pe hingä ho̱nse̱ꞌä, ꞌnehe pe̱ꞌtsi te dä ze̱ti ora märꞌa yä bäsjäꞌi xa di presionä pa dä mꞌe̱ngui yä jäꞌi, o nuꞌmu̱ yä mi ñꞌo̱ho̱ui o yä mi ꞌme̱hñäui di xaxi pa dä mꞌe̱ngui (Ef 2:2). ¡Hängu di johyahu̱ gä handihu̱ ge ndunthi yä bäsjäꞌi xa o̱tꞌe ntsꞌe̱di po dä me̱ꞌtsi nꞌa rä mꞌu̱i xä ntꞌaxi!
Yꞌe̱ntsꞌihu̱ rä BIDEO Nuꞌmu̱ grä bäsjäꞌi: ¿Hanja dä za gi ze̱ti ora märꞌa di presionäꞌi pa gi mꞌe̱ngui yä jäꞌi? Mꞌe̱fa yꞌo̱tꞌe nuya yä ntꞌani:
¿Te mi sipäbi Cory ꞌne Kamryn ha rä skuela?
¿Te bi matsꞌi Cory ꞌne Kamryn dä me̱ꞌtsi nꞌa rä mꞌu̱i xä ntꞌaxi?
¿Te mä testo de rä Mäkä Tꞌofo dä za dä maxꞌäꞌi mu̱ gi ñhandui nꞌa de nuya yä xuñha?