16-22 DE RÄ JUNIO

YÄ TESORO DE RÄ NOYA ÄJUÄ

1. Nupäbi yä mfeni nuꞌu̱ toꞌo thogi yä hñeni

(10 min.)

ꞌÑudi ge gi pe̱ꞌtsi rä mfädi Äjuä ora gi ñä (Pr 18:4; w22.10-S rä nxii 22, rä parr. 17).

Trata gi ntiende näꞌä rä xuñha o dumu̱i thogi märꞌaa (Pr 18:13; mrt rä artículo 19, rä rekuadro).

Nꞌa rä hogä amigo uni rä mfatsꞌi ꞌne pe̱ꞌtsi rä pasensia (Pr 18:24; wp23.1-S yä nxii 14, 15).

Nꞌa rä däme di jamäsu ꞌne o̱tsꞌe näꞌä xipäbi rä ꞌme̱hñä de hanja di senti.

ÑꞌANISE̱: «¿Hanja dä za gä fatsꞌi mä däme o mä ꞌme̱hñä mu̱ tsu̱di nꞌa rä hñeni?».

2. Hyoni hanja dä maxꞌäꞌi rä Noya Äjuä

(10 min.)

Pr 18:18. ¿Por hanja mäyaꞌmu̱ mi tꞌe̱ntsꞌi yä suerte? (it-2-S rä nxii 1063).

Rä mpengi
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?

Rä mpengi

3. Hñeti rä he̱ꞌmi

(4 min.) lff rä lección 33, rä mu̱di parrafo ꞌne yä punto 1-3 (th rä lección 11).

MA GÄ UDIHU̱ MÄNꞌA XÄ ÑHO

4. Fu̱di gi ñäui yä jäꞌi

(1 min.) PREDIKA HA YÄ NGUU. Näꞌä rä jäꞌi ñä mä nꞌa rä idioma (lmd rä lección 2 rä punto 5).

5. Tso̱ni mänꞌaki yä jäꞌi

(3 min.) PREDIKA KO RÄ EXHIBIDOR. Näꞌä rä jäꞌi ma dä xiꞌi ge di xo̱ni (lmd rä lección 7 rä punto 4).

6. Tso̱ni mänꞌaki yä jäꞌi

(3 min.) PREDIKA HABU̱ GATꞌHO GI YꞌO. ꞌÑuti näꞌä rä jäꞌi nꞌa rä ntꞌudi de rä Gobiernu Äjuä (lmd rä lección 9 rä punto 5).

7. Mää näꞌä gi kamfri

(4 min.) ꞌÑudi hanja gi ja. Usa rä ijwfq-S rä artículo 29. Titulo: ¿Te di mbenihu̱ de hanja bi zo̱ho̱ bi nja yä tꞌo̱tꞌe? (lmd rä lección 5 rä punto 5).

MÄ MꞌU̱IHU̱ NGU YÄ KRISTIANU

8. Ko «ri hogä mꞌu̱ihu̱» ri familia dä za dä joni ko Äjuä

(15 min.) Yꞌapäbi rä mfatsꞌi nuꞌu̱ xä ntini.

Ndunthi de gekhu̱ gä nehmähu̱ ge mä dämehu̱, mä ꞌme̱hñähu̱, mä bätsihu̱ o nꞌa mä amigohu̱ dä zo̱ho̱ dä me̱päbi Äjuä. ꞌNe rꞌabu̱ zäi ge asta xtä tsu̱ihu̱ o xtä ne xtä obligabihu̱ dä me̱päbi rä Zi Dada Jeoba. Mäske di pe̱fihu̱ njabu̱ ngeꞌä di hombäbi yä ñho, rꞌabu̱ nuꞌu̱ dä za dä mfada ko näꞌä di xipäbihu̱ (Pr 12:18). Nuꞌmu̱, ¿hanja dä za gä fatsꞌihu̱?

Rä mu̱di rä Pedro 3:1 enä ge nuꞌu̱ dä za dä paati yä mfeni ora dä hyandi nuꞌu̱ «ri hogä mꞌu̱ihu̱». Mäske rä däme nꞌa rä nju hingi ne te dä sipäbi de rä Biblia, näꞌä dä za dä matsꞌi dä bädi de rä Zi Dada Jeoba. Mu̱ näꞌä rä nju dä ꞌñudi yä hogä mꞌu̱i ja ngu rä mhäte, rä ñhojäꞌi ꞌne rä mfädi dä za dä zo̱mbäbi ha rä koraso rä däme (Pr 16:23). Gä udihu̱ yä hogä mꞌu̱i ꞌne rä ñhojäꞌi geꞌä dä za dä japi ge mä familiahu̱ dä zo̱ho̱ dä me̱päbi rä Zi Dada Jeoba (Col 4:6).

Yꞌe̱ntsꞌihu̱ rä BIDEO Ndunthi yä ku o̱tꞌe ntsꞌe̱di po dä tede yä jamfri: Nuꞌu̱ toꞌo xä nthätui nꞌa rä jäꞌi näꞌä hinte ne dä bädi de Äjuä. Mꞌe̱fa, yꞌambäbi nuꞌu̱ xä ntini: