3-9 DE RÄ NOBIEMBRE

EL CANTAR DE LOS CANTARES 1, 2

Rä jähñä 132 ꞌne rä sadi | Mää te ma gä pädihu̱ (1 min.)

YÄ TESORO DE RÄ NOYA ÄJUÄ

1. Nꞌa rä ꞌmede näꞌä udi te ri bo̱ni näꞌä xa mäjuäni rä mhäte

(10 min.)

[Yꞌe̱ntsꞌihu̱ rä BIDEO Te hutsꞌi ha El Cantar de los Cantares].

Rä rey Salomón xa mi xaxi rä sulamita ꞌne mi xipäbi yä noya xa mähotho: asta bi prometebi dä umbäbi yä regalo (Can 1:9-11).

Rä sulamita xa mi mädi rä zi mayꞌo ꞌne himbi hyopi toꞌo xä paati näꞌä mi senti po geꞌä (Can 2:16, 17; w15-S 15/1 rä nxii 30, yä parr. 9, 10).

Rä rey Salomón di mbitabi rä sulamita dä thogi pa dä ntsaya ha rä nguu. Pe ko rä balo rä sulamita di mpu̱ntsꞌi, pontꞌä yä yꞌe̱ ꞌne embäbi ge hinä. Mo̱te de rä ngu de gä tsaya de rä rey Salomón, ꞌmai hñuu yä ꞌme̱go. Ha yä yꞌe̱ hä nꞌa rä toalla, nꞌa rä ximo ꞌne nꞌa xano rä dehe.

NÄꞌÄ DÄ ZA GI PE̱FI: Xki heti El Cantar de los Cantares, dä hogi gi usa näꞌä imformäsio ehe habu̱ fu̱di rä mfistꞌofo, habu̱ enä «Contenido del libro» de rä Traducción del Nuevo Mundo pa njabu̱ gi pädi toꞌo bi mängä kada nꞌa rä noya.

2. Hyoni hanja dä maxꞌäꞌi rä Noya Äjuä

(10 min.)

Can 1:2; 2:6. ¿Te ma dä matsꞌi pa dä mꞌu̱i xä ntꞌaxi ante yä da rä Zi Dada Jeoba nuꞌu̱ di nobio? (w24.05 rä nxii 29, yä parr. 10, 11).

Rä mpengi
De nuꞌu̱ yä testo gä heti ha rä Biblia nunä semänä, ¿te gä tini näꞌä gi handi ge ma dä maxꞌäꞌi?

Rä mpengi

3. Hñeti rä he̱ꞌmi

(4 min.) lff rä lección 53, rä mu̱di parrafo ꞌne yä punto 1, 2 (th rä lección 12).

MA GÄ UDIHU̱ MÄNꞌA XÄ ÑHO

4. Fu̱di gi ñäui yä jäꞌi

(3 min.) PREDIKA HA YÄ NGUU. Usa nꞌa de nuꞌu̱ yä ntꞌudi de rä Mäkä Tꞌofo ehe ha rä mfatsꞌi A de rä foyeto Mädi yä jäꞌi (lmd rä lección 1 rä punto 3).

5. Tso̱ni mänꞌaki yä jäꞌi

(4 min.) PREDIKA HA YÄ NGUU. Usa nꞌa de nuꞌu̱ yä ntꞌudi de rä Mäkä Tꞌofo ehe ha rä mfatsꞌi A de rä foyeto Mädi yä jäꞌi (lmd rä lección 9 rä punto 3).

6. Fatsꞌi yä jäꞌi dä me̱päbi Äjuä

(5 min.) lff rä lección 18, rä mu̱di parrafo ꞌne yä punto 1-3 (th rä lección 8).

MÄ MꞌU̱IHU̱ NGU YÄ KRISTIANU

Rä jähñä 46

7. «Näꞌä rä jäꞌi di ho dä uni de näꞌä pe̱ꞌtsi ma dä häni yä jäpi»

(15 min.) Nunä thoꞌtsi go ma dä uni nꞌa rä anciano.

Rꞌakägihu̱ ndunthi rä johya gä fatsꞌihu̱ nuꞌu̱ toꞌo di japäbi mꞌe̱di rä mfatsꞌi. Pe hingä ho̱nse̱ go di johyahu̱, sino ꞌnehe näꞌä toꞌo di fatsꞌihu̱. Hää, tanto näꞌä toꞌo uni, ngu näꞌä toꞌo häni, di benefisia ꞌne häni ndunthi yä jäpi (Pr 22:9). ¡Hängu rä johya rꞌakägihu̱ gä de̱mbäbihu̱ rä mꞌu̱i rä Zi Dada Jeoba, näꞌä mä Hyokätehu̱! Nuꞌmu̱ di fatsꞌihu̱ märꞌaa, di japihu̱ dä johya rä koraso rä Zi Dada Jeoba ꞌne di numäñhogihu̱ (Pr 19:17; Snt 1:17).