Nuꞌu̱ mä zi njuhu̱ xa ja ndunthi yä muui

1. Ndunthi yä ꞌme̱hñä no̱ni ha rä Biblia

ngu Rut, Rebeca, María ꞌne Ester.

Nuꞌu̱ mi senti xa ndunthi rä mhäte

po rä mäkä thuhu mä Zi Dadahu̱.

Nuꞌu̱ yä ejemplo utkägihu̱

gä yꞌohu̱ mänjuäntho ꞌne gä mbalientehu̱.

2. Nuꞌu̱ mä zi njuhu̱ de ha rä mhuntsꞌi

te̱mbä yä mꞌu̱i nu yä zi ꞌme̱hñäꞌu̱,

udi rä ñhojäꞌi ꞌne rä umilda.

Nuꞌu̱ yꞌo mänjuäntho ha rä ꞌñuu Jeoba.

Nuꞌu̱ nzäntho pe̱ꞌspäbi rä jamfri

nuꞌu̱ yä promesa de rä Noya Äjuä.

3. Ndunthi rä muui pe̱ꞌtsi yä zi ꞌme̱hñä,

nuꞌu̱ yä nänä, yä nju ꞌne yä tꞌixu.

¡Hängu di mädihu̱ ha mä mhuntsꞌihu̱!

ꞌNehe mä Zi Dadahu̱ xa di mädi.

Zi njuhu̱, di nehe ge gi pe̱ꞌtshu̱

nꞌa rä te pa nzäntho ꞌne ndunthi yä jäpi.