¿Dä za yä jäꞌi de gatꞌho yä kolo dä ntsitsꞌi xä ñho? | ¿Te udi rä Biblia?

Ndunthi hingi kamfri ge ma dä zo̱ho̱ nꞌa rä pa habu̱ yä jäꞌi de rꞌa nꞌañꞌo yä kolo dä ntsitsꞌi entre geꞌu̱.

•  «Ndunthi yä jäꞌi di ñꞌu̱tsa ngeꞌä hingä mähye̱gi yä kolo. Nunä rä ntꞌu̱tsate xä dibidi ndunthi yä organización ꞌne xä tsꞌombäbi yä mfeni yä jäꞌi de rꞌa nꞌañꞌo yä luga. Gehnä rä xuñha hingi hopäbi yä jäꞌi dä ntsitsꞌi nꞌa ngu mänꞌaa» (António Guterres, rä secretario general de las Naciones Unidas).

¿Ma dä zo̱ho̱ rä pa habu̱ yä jäꞌi de rꞌa nꞌañꞌo yä kolo dä ntsitsꞌi entre geꞌu̱? ¿Te udi rä Biblia?

¿Hanja handi Äjuä yä jäꞌi?

Hyandi te udi rä Mäkä Tꞌofo de hanja handi Äjuä yä jäꞌi de rꞌa nꞌañꞌo yä kolo.

•  «De nꞌadä rä ji [o jäꞌi] bi hyokä gatꞌho yä jäꞌi nuꞌu̱ ꞌmu̱i habu̱räza nuua ha rä xiꞌmhai» (Hechos 17:26).

•  «Äjuä hingi huantꞌho toꞌo dä mädi, sino ke di resibi gatꞌho nuꞌu̱ pe̱ꞌspäbi rä tꞌekꞌei ꞌne pe̱fi näꞌä xä ñho, hindi mporta habu̱ yä mengu» (Hechos 17:26).

Rä Mäkä Tꞌofo udi xä ñho ge Äjuä hingi huantꞌho yä jäꞌi po yä kolo o yä rasa. Pa Äjuä, gatꞌho di mähye̱gihu̱.

¿Hanja ma dä ꞌme̱di rä ntꞌu̱tsate?

Näꞌä rä Gobiernu xpä egi Äjuä ha mähetsꞌi, ma dä nkargo dä hñäki rä ntꞌu̱tsate. Ya dende mäpaya, nunä Gobiernu xä matsꞌi yä jäꞌi de rꞌa nꞌañꞌo yä kolo dä ntsitsꞌi ꞌne dä mädi nꞌa ngu mänꞌaa.

•  Nuꞌu̱ yä jäꞌi ma dä mꞌu̱i ha rä Xiꞌmhai «ma dä ꞌñudi rä justisia» (Isaías 26:9).

•  «Näꞌä rä justisia ma dä nja, ma dä hä nꞌa rä mꞌu̱i temäꞌentho, ꞌne gatꞌho ma dä mꞌu̱i tranquilo ꞌne ya nunka toꞌo ma dä ntsu» (Isaías 32:17).

Mäpaya, ko rä mfatsꞌi rä Biblia yä miyontho yä jäꞌi xä bädi hanja dä trata märꞌaa ko rä tꞌekꞌei ꞌne rä mhäte.

•  Mu̱ gi ne gi tini mä nꞌa tu̱i rä imformäsio, hyandi rä revista ¡Despertad! «¿Tiene cura el prejuicio?».

•  Pa gi pädi hanja gi ꞌñuti ri bätsi dä trata yä jäꞌi de märꞌa yä kolo, hyandi rä artikulo «¿Cómo hablar con sus hijos sobre el racismo?».