¿Hanja dä za gä johyabihu̱ rä mfeni Äjuä?

Ogi pe̱fi yä tsꞌo tꞌo̱tꞌe (1 Corintios 6:9, 10)

Mu̱ di mädihu̱ Jeoba, hingä ma gä pe̱fihu̱ nuꞌu̱ yä tꞌo̱tꞌe di u̱tsa.

Jeoba hingi ne gä mpehu̱, gä ntihu̱ ha nixi gä tsihu̱ yä droga.

Jeoba hingi ho dä hyandi hanja yä ꞌme̱hñä ho̱mi yä bätsi, hanja di ñho yä jäꞌi. Hingi ho dä hyandi hanja yä ñꞌo̱ho̱ ähui yä mi ñꞌo̱ho̱ui o yä ꞌme̱hñä ähui yä mi ꞌme̱hñäui. Jeoba hingi ne gä mädihu̱ yä bojä ha nixi gä mbo̱kahu̱ ko märꞌaa.

Hingä eꞌspäbihu̱ yä nsu nuꞌu̱ yä zidada hingä mäjuäni, nixi gä jahu̱ o gä nuhu̱ yä ꞌñete.

Nuꞌu̱ yä jäꞌi pe̱fi nuya yä tsꞌo tꞌo̱tꞌe, hingä ma dä mꞌu̱i ha rä Xiꞌmhai nuꞌmu̱ xti uädri.

Yꞌo̱tpäbi rä ñho märꞌaa (Mateo 7:12)

Äjuä xa di johya nuꞌmu̱ di te̱mbäbihu̱ rä mꞌu̱i.

Mädi, ñhojäꞌi ꞌne fatsꞌi märꞌaa.

Ogi hate.

Udi rä nhuekäte ꞌne pumbäbi märꞌaa.

Xipi märꞌaa de rä Zi Dada Jeoba ꞌne de nuꞌu̱ yä ꞌñuu (Isaías 43:10).