Imformasion pa nuˈu̱ xä ntini

MÄRˈA YÄ MHUNTSˈI

NGUNSADI PA YÄ EBANJELISADOR DE RÄ TSˈU̱TˈHUI ÄJUÄ. Gatˈho nuˈu̱ yä prekursor ne dä me̱päbi mä ndunthi Jeoba ˈne pe̱ˈtsi entre 23 asta 65 yä je̱ya, ˈmu̱i imbitado pa dä ntini ha näˈä mhuntsˈi ma dä tˈo̱tˈe ndomingo de di ndee. Näˈä ora ˈne näˈä luga habu̱ ma dä tˈo̱tˈe nunä mhuntsˈi ma dä mhää dende rä plataforma.

TOˈO NE DÄ MFAXTE HA BETEL. Nuˈu̱ yä publikador ya xä nxixtehe ˈne tobe hingi kumpli 35 yä je̱ya, mu̱ ne dä mfaxte ha Betel dä za dä ntini ha näˈä rä mhuntsˈi ma dä tˈo̱tˈe mbehe de di ndee. Näˈä ora ˈne näˈä luga habu̱ ma dä tˈo̱tˈe nunä mhuntsˈi ma dä mhää dende rä plataforma.

IMFORMASION PA NUˈU̱ XÄ NTINI

NUˈU̱ YÄ KOSA XÄ MˈE̱DI. Mu̱ gi tini nˈa rä kosa xä mˈe̱di, hñätsˈi habu̱ bi ja nunä departamento. Mu̱ go te xkä ˈme̱di, gi ma gi ñˈani ha nunä departamento. ˈNehe debe dä tsˈitsˈiua nuˈu̱ yä bätsi xä mˈe̱di. Pe mähyoni gi benihu̱ ge nunä departamento hinxä thutsˈi pa dä su yä bätsi, hänge po rä mäte, jamäsu su ri bätsi ˈne hyandi ge di yˈobu̱ getbu̱ de geˈi.

NXIXTEHE. Mu̱ hindä nja mä nˈa rä instrucción, ma dä theke yä thuhni mfrente de rä plataforma pa nuˈu̱ ma dä nxixtehe. Nuˈu̱ ma dä nxixtehe debe dä kupa nuya yä luga änte de dä mu̱di rä discurso de gä nxixtehe näˈä nsabdo de di xudi. Gatˈho nuˈu̱ ma dä nxixtehe debe dä hñätsˈi nˈa rä toalla ˈne dä huahni xä ñho te mä dutu ma dä usa.

PRIMEROS AUXILIOS. Beni ge nunä departamento HO̱NSE̱ nuˈmu̱ nˈa rä tˈo̱tˈe XA MÄHYONI.

TOˈO NE DÄ MFAXTE. Mu̱ gi ne gi mfaxte de gä boluntario ha nuˈu̱ yä ˈme̱fi di tˈo̱tˈe ha rä däta mhuntsˈi, gi ma ha nunä departamento.

YÄ ACOMODADOR. Yä acomodador xä thutsˈi pa dä maxˈäˈi. Jamäsu nuˈu̱ yä instrucción dä rˈaˈäˈi ha rä estacionamiento, ha yä pasillo, ora gi ˈueke yä thuhni o ha mä nˈa rä asunto.

YÄ DONÄSIO. Pa dä nja nunä mä däta mhuntsˈihu̱ xä tˈo̱tˈe ndunthi yä gasto, xä nrenta yä thuhni, yä pantalla, rä sonido ˈne märˈa yä tˈo̱tˈe; pa njabu̱ gä disfrutahu̱ rä däta mhuntsˈi ˈne mänˈa gä jonihu̱ ko Jeoba. Nuˈu̱ yä donäsio gi unihu̱ faxte pa gä jutˈihu̱ gatˈho nuˈu̱ yä gasto ˈne pa näˈä mäkä ˈme̱fi di tˈo̱tˈe po gatˈho rä Xiˈmhai. Xä thutsˈi yä kaha de gä donäsio ha ndunthi yä luga de rä auditorio. Di jamädihe ndunthi po gatˈho nuˈu̱ yä donäsio gi unihu̱. Rä Cuerpo Gobernante ne dä jamädiˈihu̱ po gatˈho näˈä rä mfatsˈi gi unihu̱ po rä Tsˈu̱tˈhui Äjuä.

YÄ THUHNI. Di mbitaˈihe gi ˈñudi rä tˈekˈei po märˈaa. Beni ge ho̱nse̱ dä za gi ˈueke yä thuhni pa ri familia, pa nuˈu̱ gi ñˈoui ha rä karro, nuˈu̱ gi ˈmu̱hui o nuˈu̱ ri estudio. Ogi e̱ntsˈi yä kosa ha nuˈu̱ yä thuhni hingä ma gi usa.