RÄ LECCIÓN 02
Rä Biblia udi ge Äjuä ma dä hä nꞌa rä hogä mꞌu̱i
Po gatꞌho rä Ximhai yä jäꞌi pe̱ꞌtsi yä xuñha, yä dumu̱i, yä u̱gi ꞌne märꞌa yä sufrimiento. Xi nuꞌi, ¿gi thogi njabu̱ ꞌnehe? Tal vez nuꞌi gi sufri po ränge yä ñheni, o ngeꞌä nꞌa ri amigo o nꞌa rä jäꞌi de ri familia xä du. Zäi ge rꞌabu̱ gi ñꞌani: «¿Asta hämꞌu̱ ma dä uadi nuya yä sufrimiento?». Rä Biblia thädi nunä ntꞌani.
1. ¿Te mä hogä notisia rꞌakägihu̱ rä Biblia?
Rä Biblia xikägihu̱ por hanja ja ndunthi yä dumu̱i ꞌne yä sufrimiento nuua ha rä Xiꞌmhai. Pe ja nꞌa rä hogä notisia: ¡Rä Biblia udi ge Äjuä ya ma dä hñäki gatꞌho nuꞌu̱ yä sufrimiento ja ha rä Xiꞌmhai! Rä Biblia nupkägihu̱ mä mfenihu̱ ꞌne hubgä mä mu̱ihu̱ ora xikägihu̱ ge Äjuä ma dä hä nꞌa rä hogä mꞌu̱i ha rä Xiꞌmhai (hñeti Jeremías 29:11, 12). Ma gi hyandi hanja gi pädi näꞌä di promete Äjuä, geꞌä ma dä maxꞌäꞌi gi ñhandui yä xuñha ꞌne gi pe̱ꞌtsi rä johya dende nubye̱ mäske gi thogi yä dumu̱i.
2. ¿Tenguꞌä näꞌä rä hogä mꞌu̱i di promete Äjuä?
Rä Biblia xikägihu̱ tenguꞌä näꞌä rä mꞌu̱i ma dä hänkägihu̱ Äjuä. Nuua enä: «Ya hindä nja rä du, ni yä tsꞌoni, ni yä dumu̱i nixi yä u̱gi» (hñeti Apocalipsis 21:4). Mäpaya ndunthi yä jäꞌi di sufri ngeꞌä thogi rä ñhoya, tꞌo̱tpäbi yä ntsꞌomꞌu̱i ꞌne joꞌo toꞌo dä ñäni, di thogihu̱ yä hñeni ꞌne di handihu̱ hanja tu nuꞌu̱ yä jäꞌi di mädihu̱. ¿Pe gi pädi? Gatꞌho nuya yä sufrimiento di thogihu̱ mäpaya, Äjuä ma dä hñäki. Rä Biblia udi ge Äjuä ma dä hä nꞌa rä hogä mꞌu̱i nuua ha rä Xiꞌmhai habu̱ gatꞌho yä jäꞌi ma dä mꞌu̱i ko rä johya pa nzäntho.
3. ¿Te ma dä maxꞌäꞌi pa gi kamfri ge näꞌä xä promete Äjuä xa mäjuäni ma dä kumpli?
Mäpaya yä jäꞌi xä promete ndunthi yä kosa. Pe ndunthi yä jäꞌi xa ꞌmu̱i desanimädo ngeꞌä xä thogi rä tiempo ꞌne xä hyandi ge nuꞌu̱ yä promesaꞌu̱ hinto xä kumpli. Pe hingi njabu̱ ko nuꞌu̱ yä promesa xä ja Äjuä; ¡näꞌä xä promete pe̱ꞌtsi te ma dä kumpli! Hänge xa mähyoni gi nxadi rä Biblia pa gi hyandi ge ora te di prometegihu̱ Äjuä, näꞌä di kumpli ꞌne nunka hakägihu̱ (Hechos 17:11).
HANJA DÄ ZA DÄ MAXꞌÄꞌI RÄ NOYA ÄJUÄ
Ma gä handihu̱ ha rä Biblia näꞌä di promete Äjuä dä me̱fi pa xudi ndämäni, ꞌne hanja mäpaya gehnä xä nupäbi yä mfeni ndunthi yä jäꞌi.
4. Äjuä di promete ge ma dä hñäki gatꞌho yä dumu̱i ꞌne ma dä umbäbi yä jäꞌi nꞌa rä te pa nzäntho
Ha nunä nxii, hyandi näꞌä lista habu̱ ehe rꞌa de nuꞌu̱ yä jäpi ma dä hä Äjuä. Xi nuꞌi, ¿ndaꞌä mänꞌa gi hoge? ¿Por hanja?
Hñetihu̱ nuꞌu̱ yä testo ehe ha kada nꞌa de nuya yä promesa, ꞌnepu̱ thädihu̱ nuya yä ntꞌani:
¿Gi kamfri ge nuya yä testo dä za dä hñubgä mä mu̱ihu̱ ꞌne dä nupkägihu̱ mä mfenihu̱? ¿Gi kamfri ge nuꞌu̱ ri pariente, ri amigo ꞌne ri familia dä za dä nupäbi ꞌnehe yä mfeni?
Imäjinä nunä rä mꞌu̱i ma gä pe̱ꞌtsihu̱:
HA RÄ XIꞌMHAI . . . |
ÄJUÄ . . . |
|---|---|
|
|
|
|
|
|
|
|
|
|
5. Näꞌä di prometegihu̱ Äjuä dä za dä maxkägihu̱ gä pe̱ꞌtsihu̱ nꞌa rä hogä mꞌu̱i dende nubye̱
Ndunthi yä jäꞌi asta di nkue̱ ngeꞌä ya xä zabi dä hyandi gatꞌho nuꞌu̱ yä sufrimiento ja ha rä Xiꞌmhai. Ndunthi yä jäꞌi honi hanja dä hä nꞌa rä hogä mꞌu̱i ꞌne rꞌaa asta tuhni po yä derecho. Hyandi hanja rä Biblia xä matsꞌi ndunthi yä jäꞌi ora xä bädi ge Äjuä di promete dä hä nꞌa rä hogä mꞌu̱i. Yꞌe̱ntsꞌihu̱ rä BIDEO, ꞌnepu̱ thädihu̱ nuya yä ntꞌani:
Ja ngu gä handi ha rä bideo, ¿te mä injustisia mi handi Rafika?
Mäske himbi mꞌe̱di yä injustisia nixi yä ntsꞌomꞌu̱i, ¿hanja bi matsꞌi Rafika näꞌä bi bädi de rä Biblia?
Gä pädihu̱ de nuꞌu̱ yä promesa Äjuä hutsꞌi ha rä Biblia, faxkägihu̱ gä täpäbihu̱ yä xuñha, yä dumu̱i ꞌne gä pe̱ꞌtsihu̱ rä johya dende nubye̱. Hñetihu̱ Proverbios 17:22 ꞌne Romanos 12:12, TNM, ꞌnepu̱ thädihu̱ nuya yä ntꞌani:
¿Gi kamfri ge nuꞌu̱ yä promesa Äjuä hutsꞌi ha rä Biblia, dä za dä maxꞌäꞌi gi pe̱ꞌtsi rä johya ꞌne nꞌa rä hogä mꞌu̱i dende nubye̱? ¿Por hanja?
RꞌA YÄ JÄꞌI ENÄ: «Di ntꞌo̱de mähotho näꞌä udi rä Biblia, pe hadifäꞌä mu̱ xa mäjuäni ma dä thogi njabu̱ o hinä».
¿Por hanja xa mähyoni gi pädi te mä prueba ja ge näꞌä xä promete Äjuä, mäjuäni ma dä kumpli?
NÄꞌÄ DÄ PÄDIHU̱
Rä Biblia udi ge Äjuä di promete dä hä nꞌa rä hogä mꞌu̱i habu̱ ya hindä nja yä sufrimiento. Geꞌä faxkägihu̱ gä täpäbihu̱ yä xuñha ꞌne gä tinihu̱ rä johya dende nubye̱.
Pa gä benihu̱
¿Por hanja yä jäꞌi xa di japäbi mꞌe̱di dä bädi näꞌä ma dä me̱fi Äjuä po gekhu̱?
Ja ngu ya dä handihu̱ ha rä Biblia, ¿te di promete Äjuä ge ma dä me̱fi po yä jäꞌi?
¿Hanja dä za dä maxꞌäꞌi dende nubye̱ gi pädi näꞌä ma dä me̱fi Äjuä xudi ndämäni po gekhu̱?
HABU̱ DÄ ZA GI PÄDI MÄ NꞌA TU̱I
Ora di to̱ꞌmihu̱ yä hogä tꞌo̱tꞌe, geꞌä umbäbi rä tsꞌe̱di mä tehu̱.
«Mäpaya ja ndunthi yä dumu̱i, ¿toꞌo dä za dä hñubgä mä mu̱ihu̱?» (¡Despertad!, 22 de abril de 2004)
Hyandi hanja nuꞌu̱ yä promesa Äjuä di tinihu̱ ha rä Biblia, xä matsꞌi ndunthi nuꞌu̱ yä zi jäꞌi di ñhandui yä ñheni.
«¿Hanja dä za dä maxkägihu̱ rä Biblia gä ze̱tihu̱ yä ñheni?» (Ehe ha jw.org)
Hyandi nunä bideo ꞌne imäjinä ge nuꞌi ꞌne ri familia ya gi pe̱ꞌtsihu̱ näꞌä rä hogä mꞌu̱i nuua ha rä Xiꞌmhai ja ngu xä promete Äjuä.
Hyandi hanja rä Biblia bi matsꞌi bi paati rä mꞌu̱i nꞌa rä jäꞌi näꞌä mi ku̱tꞌi ha yä uelga.
«¡Ya di pädi toꞌo ma dä hä nꞌa rä hogä mꞌu̱i nuua ha rä Xiꞌmhai!» (La Atalaya, 1 de julio de 2013)