Rꞌa yä presentasion

Pa rä Fenäte de rä du rä Hesu

«Di umbäbihe gatꞌho yä zi jäꞌi nunä imbitasio pa dä ntini ha nꞌa rä mhuntsꞌi xi ja ndunthi rä muui. Yä miyontho yä jäꞌi ma dä muntsꞌi po gatꞌho rä Xiꞌmhai näꞌä mbehe 3 de abril, pa dä yꞌo̱tꞌe rä Fenäte de rä du rä Hesu, ꞌne ma dä tꞌuni nꞌa rä thoꞌtsi habu̱ ma gä pädihu̱ hanja dä za dä maxkägihu̱ näꞌä rä te bi uni. Ha nunä imbitasio ja huxkua te mä ora ꞌne habu̱ ma dä tꞌo̱tꞌe nunä Fenäte.»

La Atalaya 1 de marzo

«Näꞌä mbehe 3 de abril, ma dä dagi näꞌä rä Fenäte de rä du rä Hesu. Rꞌa yä zi jäꞌi ma dä muntsꞌi pa dä yꞌo̱tꞌe nunä Fenäte. Pe märꞌa yä zi jäꞌi, hingi kamfri ge rä du rä Hesu pe̱ꞌtsi ndunthi rä muui. Xi nuꞌi, ¿te gi mbeni? ¿Gi kamfri ge rä du rä Hesu dä za dä maxkägihu̱? [Hyopi dä dädi näꞌä jäꞌi.] Hyandi te mää rä Mäkä Tꞌofo. [Hñeti 1 Corintios 15:22, 26.] Nunä rebista mää ge ko näꞌä rä te bi uni rä Hesu, ma dä zo̱ho̱ rä pa habu̱ yä jäꞌi ya nunka ma dä du.»

Pa rä campaña de rä zänä märso de rä 2015

«Gi hatsꞌi, di ze̱njuahe gatꞌho yä besinu pa di ñähe de rꞌa yä hogä noya. ¿Gi kamfri ge nꞌa rä pa, gatꞌho yä jäꞌi dä za dä me̱ꞌtsi nꞌa rä hogä mꞌu̱i? [Hyopi dä dädi näꞌä jäꞌi. ꞌNepu̱ xoki rä ꞌmede 115 de rä mfistꞌofo Mä he̱ꞌmi hutsꞌi yä ꞌmede de rä Mäkä Tꞌofo, ꞌñuti näꞌä rä kꞌoi huxpu̱ ꞌne hñeti rä parrafo 2.] Dä za gä kamfrihu̱ ge ma dä thogi njabu̱, ngeꞌä nunä nꞌa rä promesa bi ehe de Äjuä. [Hñeti 2 Pedro 3:13.] Nunä mfistꞌofo xä thoki pa dä maxkägihu̱ gä pädihu̱ ge Äjuä di mäkägihu̱ ꞌne turämu̱i po nuju̱. [Umbäbi nꞌa rä mfistꞌofo.]»