Di tꞌo̱tꞌe rä Fenäte de rä du rä Hesu ha Alemania.
Rꞌa yä presentasion pa nunä zänä
LA ATALAYA
Rä ntꞌani: Xi nuꞌi, ¿xkä yꞌo̱de nuya yä noya?
Rä testo: Jn 3:16
Rä he̱ꞌmi: Nunä rebista La Atalaya udi por hanja bi sufri ꞌne bi uni rä te rä Hesu, ꞌne hanja dä za dä maxꞌäꞌi.
LA ATALAYA (rä nxii 16)
Rä ntꞌani: Hyandi nunä ntꞌani ꞌne näꞌä di mbeni yä jäꞌi de gehnä. [Hñeti rä mu̱di ntꞌani ꞌne nuꞌu̱ hñuu yä mpengi.] ¿Xi nuꞌi te gi mbeni?
Rä testo: Mt 4:1-4
Rä he̱ꞌmi: Rä Diablo bi ñäui rä Hesu ꞌne bi japä yä tentasio. Hänge di pädihu̱ ge rä Diablo xa mäjuäni ꞌmu̱i. Pe, ¿te mä nꞌa udi rä Mäkä Tꞌofo de rä Diablo? Nunä artikulo thädi nunä ntꞌani.
IMBITASIO PA RÄ FENÄTE
Rä he̱ꞌmi: Di mbitabihe yä zi jäꞌi pa dä ntini ha nꞌa rä fenäte. [Umbäbi nꞌa rä imbitasio.] Rä 23 de rä märso, yä miyontho yä jäꞌi ma dä ntini po gatꞌho rä Xiꞌmhai pa dä beni rä du rä Ñhesukristo, ꞌne pa dä yꞌo̱de nꞌa discurso de rä Mäkä Tꞌofo habu̱ ma dä mhää te mä ñho dä za gä hänihu̱ de näꞌä rä te bi uni. Ha nunä imbitasio ja huxkua te mä ora ꞌne habu̱ ma dä nja näꞌä Fenäte. Po rä mäte ntini kongekhe.
PA GI YꞌOFOSE̱ RI PRESENTASION
Hyandi hanja ehe nuꞌu̱ yä presentasion, pa gi hyokise̱ nꞌa ri presentasion.