Hanja dä za gä uñhu̱ ntꞌo̱de mänꞌa xä ñho: Fatsꞌi ri estudio pa dä zo̱ho̱ dä umbäbi rä te Äjuä ꞌne dä nxixtehe

POR HANJA XA MÄHYONI: Pa dä johyabi rä koraso Jeoba nuꞌu̱ mä estudiohu̱, pe̱ꞌtsi te dä umbäbi yä te Jeoba ꞌne dä nxixtehe (1Pe 3:21). ꞌNepu̱, nuꞌu̱ pe̱ꞌtsi te dä mꞌu̱i ja ngu bi promete, pa njabu̱ Jeoba dä huitsꞌi ꞌne dä su (Sl 91:1, 2). Nuju̱ di umbäbihu̱ mä tehu̱ rä Zi Dada Jeoba, hingä nꞌa rä jäꞌi, nꞌa rä ꞌme̱fi o nꞌa rä organización. Hänge nuꞌu̱ mä estudiohu̱, pe̱ꞌtsi te dä zo̱ho̱ dä mädi Jeoba ꞌne dä umbäbi rä tꞌekꞌei (Ro 14:7, 8).

TE DÄ ZA GÄ PE̱FIHU̱:

• Nuꞌmu̱ di unihu̱ nꞌa rä estudio, mähyoni gä fatsꞌihu̱ näꞌä jäꞌi pa dä hyandi te udi de rä Zi Dada Jeoba näꞌä imformasion di nxadihu̱ kongeꞌä. ꞌNehe, nupäbi rä mfeni pa dä nxadi hyaxtho rä Mäkä Tꞌofo ꞌne hindä hye̱gi de dä xatuäbi Jeoba (1Te 5:17; Snt 4:8).

• Nupäbi rä mfeni ri estudio, pa dä umbäbi rä te Jeoba ꞌne dä nxixtehe. ꞌNehe fatsꞌi pa dä mu̱di dä uni yä komentario ha yä mhuntsꞌi ꞌne dä mu̱di dä ꞌñuti näꞌä xä bädi de Äjuä nuꞌu̱ yä besinu o märꞌa yä jäꞌi. Beni ge Jeoba hinto di obligabi pa dä me̱päbi. Nuꞌu̱ ri estudio pe̱ꞌtsi te dä huahnise̱ dä umbäbi yä te Jeoba pa dä me̱päbi rä bolunta (Dt 30:19, 20).

• Nupäbi rä mfeni ri estudio pa dä mꞌu̱i ja ngu yꞌo ri bädi de rä Mäkä Tꞌofo, pa njabu̱ Jeoba dä numäñho ꞌne dä za dä kumpli ko nuꞌu̱ yä rekisito adi rä Mäkä Tꞌofo pa dä za dä nxixtehe (Pr 27:11). Rꞌabu̱ xä ñhei dä zopu̱ nuꞌu̱ yä nzäi ꞌne yä mꞌu̱i xä me̱ꞌtsi dende mä mꞌe̱tꞌo, hänge rꞌabu̱ ma dä japäbi mꞌe̱di gi sigi gi fatsꞌi pa dä mꞌu̱i ja ngu di mända Jeoba (Ef 4:22-24). ꞌÑuti rꞌa de nuꞌu̱ yä esperiensia ehe ha näꞌä serie «La Biblia les cambió la vida» de rä rebista La Atalaya.

• Xipäbi ri estudio hängu rä johya xkä pe̱ꞌtsi de gi pe̱päbi Jeoba (Isa 48:17, 18).