MÄ MꞌU̱IHU̱ NGU YÄ KRISTIANU
Hanja dä za gä uñhu̱ ntꞌo̱de mänꞌa xä ñho: mbitabi ha yä mhuntsꞌi nuꞌu̱ ri estudio ꞌne nuꞌu̱ o̱de xä ñho ha rä tꞌungä ntꞌo̱de
POR HANJA XA MÄHYONI: Ha nuꞌu̱ yä mhuntsꞌi ja tatꞌä semänä, rꞌakägihu̱ rä oportunida de gä tutuäbihu̱ yä jähñä rä Zi Dada Jeoba ꞌne gä nsundabihu̱ (Sl 149:1). ꞌNehe tꞌutkägihu̱ hanja gä pe̱päbihu̱ rä bolunta (Sl 143:10). Nuꞌu̱ yä jäꞌi ya di umbäbihu̱ nꞌa rä estudio ꞌne nuꞌu̱ o̱de xä ñho ha rä tꞌungä ntꞌo̱de, xä nheki ge nguntꞌä di progresa nuꞌmu̱ fu̱di di ntini ha yä mhuntsꞌi.
TE DÄ ZA GÄ PE̱FIHU̱:
Mäske nꞌa rä jäꞌi tobe hingi häni nꞌa rä ntꞌudi de rä Mäkä Tꞌofo, mbitabi dä ntini ha yä mhuntsꞌi (Ap 22:17).
Xipäbi te ngu nuꞌu̱ yä mhuntsꞌi di pe̱ꞌtsihu̱ ꞌne xipäbi te ma dä mhää ha näꞌä mä nꞌa rä mhuntsꞌi xä ꞌñepu̱. Pa geꞌä dä za gi usa rä imbitasio pa yä mhuntsꞌi, rä bideo ¿Te di tꞌo̱tꞌe ha rä Ngu de gä Mhuntsꞌi? o rä foyeto ¿Toꞌo pe̱päbi rä bolunta Jeoba mäpaya? ha yä ntheke 5 ꞌne 7.
Ofresebi ri mfatsꞌi. Por ejemplo, hyandi mu̱ honi toꞌo dä zitsꞌi ha rä mhuntsꞌi o ne rä mfatsꞌi pa dä huahni te mä dutu dä hñätsꞌi. Durante rä mhuntsꞌi hñudi kongeꞌä ꞌne umbi o hmipi nuꞌu̱ yä he̱ꞌmi ma gä usahu̱. Presentabi märꞌa yä ku de rä mhuntsꞌi.