MA GÄ UDIHU̱ MÄNꞌA XÄ ÑHO | DÄ TE RI JOHYA ORA GI FATSꞌI YÄ JÄꞌI DÄ BÄDI DE ÄJUÄ
Fatsꞌi nuꞌu̱ ri estudiante pa dä ntini ha yä mhuntsꞌi
Xa mähyoni gä ntinihu̱ ha yä mhuntsꞌi ngeꞌä njabu̱ di xo̱kämbenihu̱ Jeoba (Sl 22:22). Ora di ntinihu̱ ha yä mhuntsꞌi xa di johyahu̱ ꞌne di hänihu̱ ndunthi yä jäpi (Sl 65:4). ꞌNehe, ora nuꞌu̱ yä estudiante di ntini ha yä mhuntsꞌi mänꞌa nguntꞌä di progresa.
¿Hanja dä za gi fatsꞌi nuꞌu̱ ri estudiante pa dä ntini ha yä mhuntsꞌi? Ogi he̱gi de gi mbitabi. ꞌÑuti rä bideo ¿Te di tꞌo̱tꞌe ha rä Ngu de gä Mhuntsꞌi?, ꞌne xipäbi te mä ñho ma dä ñhani (lff rä lección 10). Dä hogi gi petuäbi hanja xä maxꞌäꞌi näꞌä xkä pädi ha yä mhuntsꞌi o ꞌñuti te ma gä nxadihu̱ ha rä mhuntsꞌi näꞌä semänäꞌä. Umbäbi näꞌä ri estudiante nuꞌu̱ yä publicación di usahu̱ ha yä mhuntsꞌi, ꞌne asta dä za gi thogi po geꞌä pa gi tsitsꞌi ha rä mhuntsꞌi. Ora dä ntini ha rä mhuntsꞌi, ¡nuꞌi xa ma gi johya! (1Co 14:24, 25).
HYANDIHU̱ RÄ BIDEO FATSꞌI NUꞌU̱ RI ESTUDIANTE PA DÄ NTINI HA YÄ MHUNTSꞌI. MꞌE̱FA THÄDIHU̱ NUYA YÄ NTꞌANI:
¿Hanja bi japi Rita pa bi mbitabi ha yä mhuntsꞌi Coral?
¿Por hanja xa di johyahu̱ ora nꞌa de nuꞌu̱ mä estudiantehu̱ di ntini ha yä mhuntsꞌi?
«Mäjuäni ge Äjuä ꞌmu̱i kongeꞌähu̱».
¿Hanja bi senti Coral mi ntini ha rä mhuntsꞌi?