Fatsꞌi nuꞌu̱ ri estudiante pa dä zopu̱ nuꞌu̱ yä nzäi di u̱tsa Jeoba

Pa dä me̱ꞌtsi nꞌa rä hogä ntsitsꞌi ko Jeoba, nuꞌu̱ mä estudiantehu̱ debe dä hye̱pu̱ nuꞌu̱ yä nzäi di u̱tsaꞌä (1Pe 1:14-16). Mu̱ dä jabu̱, ma dä me̱ꞌtsi nꞌa rä hogä mꞌu̱i, nꞌa rä hogä nzaki ꞌne hingä ma dä tsꞌontho yä bojä.

ꞌÑuti nuꞌu̱ ri estudiante te to̱ꞌmi Jeoba de geꞌu̱, por hanja adi Jeoba gä pe̱fihu̱ njabu̱ ꞌne te mä jäpi ma gä hänihu̱. Mu̱ gä jahu̱bu̱, nuꞌu̱ hingä ma dä japi xä ñhei dä yꞌo̱te Jeoba (Ef 4:22-24). Bembäbi ge Jeoba ma dä umbäbi rä tsꞌe̱di pa dä hye̱pu̱ nuꞌu̱ yä nzäi di nkontraui yä mhända (Flp 4:13). ꞌNehe, fatsꞌi dä hyandäse̱ ngu te mä tꞌo̱tꞌe dä za japi dä dagi ha nꞌa rä pekado ꞌne nupäbi rä mfeni pa dä me̱fi nuꞌu̱ yä tꞌo̱tꞌe di ho Äjuä. Xki hyandi hanja nuꞌu̱ ri estudiante di ja yä mpadi ha yä mꞌu̱i, ma gi senti ndunthi rä johya.

HYANDIHU̱ RÄ BIDEO FATSꞌI NUꞌU̱ RI ESTUDIANTE PA DÄ ZOPU̱ NUꞌU̱ YÄ NZÄI DI U̱TSA JEOBA. MꞌE̱FA THÄDIHU̱ NUYA YÄ NTꞌANI:

• 

  ¿Hanja bi ꞌñudi Rita ꞌne yä anciano ge mi ꞌmu̱i seguro ge Coral ma xä hye̱gi rä bisio de rä marihuana?

• 

  ¿Te bi me̱fi Rita pa bi matsꞌi Coral?

• 

  ¿Te bi me̱fi Coral pa bi hyombäbi rä mfatsꞌi Jeoba?