Hñäni näꞌä rä mfatsꞌi uni Jeoba po mäde de rä sadi

¿Gi ne ge nuꞌu̱ ri estudiante dä zo̱ho̱ dä me̱päbi Äjuä? Sigi gi hyombäbi rä mfatsꞌi Jeoba ꞌne ogi duda ge näꞌä ma dä maxꞌäꞌi. Beni ge Jeoba geꞌä japi ge yä jäꞌi dä joni kongeꞌä (1Co 3:6-9).

Bäntebi Äjuä dä matsꞌi ri estudiante pa dä ze̱ti nuꞌu̱ yä xuñha di ñhandui (Flp 1:9, 10). Yꞌapäbi Jeoba dä rꞌaꞌäꞌi rä espiritu santo pa gi pädi hanja gi fatsꞌi nuꞌu̱ yä zi jäꞌi gi uti de rä Biblia (Lu 11:13). ꞌÑutiꞌu̱ hanja dä xatuäbi Jeoba, ꞌne nupäbi rä mfeni pa dä jabu̱ hyaxtho. No̱mbäbi rä thuhu ri estudiante ora gi xatuäbi Äjuä ndelante de geꞌä.

HYANDIHU̱ RÄ BIDEO TINI RÄ JOHYA DE GI FATSꞌI MÄRꞌA DÄ ME̱PÄBI ÄJUÄ: HÑÄNI NÄꞌÄ RÄ MFATSꞌI UNI JEOBA—XATUÄBI JEOBA. MꞌE̱FA THÄDIHU̱ NUYA YÄ NTꞌANI:

• ¿Te mä xuñha bi ñhandui Rita ora mi umbäbi rä curso Coral?

• ¿Hanja bi matsꞌi Rita 1 Corintios 3:6?

• ¿Te bi me̱fi Rita?