Fatsꞌi nuꞌu̱ ri estudiante dä ꞌuege de yä tsꞌo ntsitsꞌi

Mu̱ nuꞌu̱ mä estudiantehu̱ ne dä ntsitsꞌi ko Jeoba, pe̱ꞌtsi te dä huahni xä ñho yä amigo (Sl 15:1, 4). Nuꞌu̱ yä hogä amigo ma dä matsꞌi dä me̱fi näꞌä di ho Äjuä (Pr 13:20; lff rä lección 48).

Rꞌabu̱ nuꞌu̱ mä estudiantehu̱ ma dä japäbi xä ñhei dä zopu̱ nuꞌu̱ yä ntsitsꞌi mi pe̱ꞌtsi, po rä ngeꞌä mähyoni gä udihu̱ rä pasensia. Pe ꞌnehe dä hogi gä udihu̱ ge di tumämu̱ihu̱ po geꞌu̱. ¿Hanja dä za gä jahu̱? Durante rä semänä pe̱mpäbi nꞌa rä mensaje, zofo o tso̱ni pa gi pädi tengu ꞌmu̱i. Ja ngu yꞌo ri paati rä mꞌu̱i, dä hogi gi mbitabi dä kombibi ko yä ku. Geꞌä ma dä matsꞌi pa dä hyandi hängu yä jäpi to̱ꞌmpäbi (Mr 10:29, 30). Pe nuꞌi ꞌnehe, xa ma gi johya de gi fatsꞌi nꞌa rä jäꞌi dä joni ko rä Zi Dada Jeoba.

HYANDIHU̱ RÄ BIDEO FATSꞌI NUꞌU̱ RI ESTUDIANTE DÄ ꞌUEGE DE YÄ TSꞌO NTSITSꞌI. MꞌE̱FA THÄDIHU̱ NUYA YÄ NTꞌANI:

• ¿Toꞌo nuꞌu̱ yä tsꞌo ntsitsꞌi? (1Co 15:33).

• ¿Hanja mi imäjinä Coral ge di kombibihu̱?

• ¿Te bi me̱fi Rita pa bi matsꞌi Coral dä paati yä ntsitsꞌi?