Rä Mäkä Tꞌofo udi te nguꞌä nꞌa rä hogä ꞌme̱hñä

Proverbios rä mꞌede 31 hutsꞌi nꞌa rä hogä tsꞌofo näꞌä bi hñäni rä rey Lemuel de rä nänä. Nuꞌu̱ yä hogä tsꞌofo bi tꞌumbäbi, bi matsꞌi pa dä bädi te dä hyoni de nꞌa rä hogä ꞌme̱hñä.

Nꞌa rä hogä ꞌme̱hñä di ꞌme̱ꞌspäbi rä komfiansa

31:10-12

• Ko ndunthi rä tꞌekꞌei xipäbi rä däme te di mbeni de nuꞌu̱ yä asunto ja ha rä familia. Umbäbi rä mfatsꞌi rä däme, o̱te ꞌne hingi trata dä tꞌo̱tꞌe näꞌä go dä mää.

• Rä däme hingi to̱ꞌmi ge rä ꞌme̱hñä nzäntho dä yꞌapäbi nse̱ki pa gatꞌho näꞌä beni dä me̱fi, ngeꞌä pe̱ꞌspäbi rä komfiansa ge pädi hanja dä huahni nꞌa rä hogä desision.

Nꞌa rä hogä ꞌme̱hñä xi rä me̱fi

31:13-27

• Pädi dä su rä bojä ꞌne hingi honi dä me̱ꞌtsi yä lujo, pa njabu̱ rä familia hindä ꞌme̱päbi te dä hyee, te dä zi, ꞌne nzäntho dä ñhee xä ntꞌaxi.

• Di mpe̱fi ndunthi ꞌne di su rä familia mä pa ꞌne xui.

Nꞌa rä hogä ꞌme̱hñä pe̱ꞌtsi nꞌa rä hogä ntsitsꞌi ko Äjuä

31:30

• Di mädi Äjuä ꞌne o̱tꞌe ntsꞌe̱di pa dä me̱ꞌtsi nꞌa rä hogä ntsitsꞌi kongeꞌä.