MÄ MꞌU̱IHU̱ NGU YÄ KRISTIANU
«Rä däme xi fädi xä ñho ha yä goxthi rä hnini»
Nꞌa rä hogä ꞌme̱hñä eꞌspäbi rä nsu rä däme. Ha yä pa rä rey Lemuel, nꞌa rä däme näꞌä mi pe̱ꞌtsi nꞌa rä hogä ꞌme̱hñä, mi «fädi xä ñho ha yä goxthi rä hnini» (Pr 31:23). Mäpaya, yä ansiano ꞌne yä sierbo ministerial ꞌnehe di ꞌme̱ꞌspäbi rä tꞌekꞌei. Mu̱ xä nthäti, pa dä za dä kumpli xä ñho ko rä privilegio, depende ndunthi mu̱ rä ꞌme̱hñä di porta xä ñho ꞌne mu̱ umbäbi rä mfatsꞌi (1Ti 3:4, 11). Nuꞌu̱ yä nju njabu̱, häni ndunthi rä mhäte ꞌne rä tꞌekꞌei de yä däme ꞌne de yä ku de rä mhuntsꞌi.
Nꞌa rä hogä ꞌme̱hñä fatsꞌi rä däme...
... ora nupäbi rä mfeni ko yä hogä noya (Pr 31:26).
... nuꞌmu̱ di komprendebi ora ja te dä me̱fi ha rä mhuntsꞌi (1Te 2:7, 8).
... ora hingi api yä lujo (1Ti 6:8).
... ora hingi ambäbi de nuꞌu̱ yä asunto ri ꞌñepi dä bädi ho̱nse̱ yä ansiano (1Ti 2:11, 12; 1Pe 4:15).