¿Hanja gä pädi gä nxadi xä ñho rä Noya Äjuä?

¿Gi hohmä xa di tse̱di ri jamfri ngu Daniel ora gi thogi yä prueba? Daniel näꞌä xa mi nxadi rä Noya Äjuä ꞌne xa mi imbestiga xä ñho nuꞌu̱ yä profesia (Da 9:2). Mu̱ gi nxadi xä ñho rä Mäkä Tꞌofo ma dä maxꞌäꞌi pa hingi hye̱gi Jeoba, ¿pe hanja? Ngeꞌä ora gi nxadi rä Mäkä Tꞌofo, mänꞌa ma dä te ri komfiansa ha nuꞌu̱ yä promesa Jeoba (Jos 23:14). Geꞌä ma dä maxꞌäꞌi pa mänꞌa gi mädi Äjuä ꞌne gi pe̱fi näꞌä xä ñho (Sl 97:10). ¿Pe hanja dä za gi ja? Ma gä handihu̱.

• ¿Te debe gi nxadi? Mähyoni gi ñhoki xä ñho ko näꞌä imformasion di nxadihu̱ ha yä mhuntsꞌi. Mu̱ gi imbestiga näꞌä hingi ntiende ora gi heti rä Mäkä Tꞌofo, mänꞌa ma gi tini yä hogä ntꞌudi. ꞌNehe, mꞌu̱i rꞌa yä ku nuꞌu̱ xä desidi dä imbestiga nuꞌu̱ yä profesia hutsꞌi ha rä Mäkä Tꞌofo, nuꞌu̱ yä hogä mꞌu̱i uni rä espiritu santo, nuꞌu̱ yä biahe bi yꞌo̱tꞌe rä apostol Pablo o nuꞌu̱ yä tꞌo̱tꞌe xä hyoki Jeoba. Mu̱ durante rä pa dä ehe ha ri mfeni nꞌa rä ntꞌani de rä Mäkä Tꞌofo, dä hogi gi yꞌofo pa gi imbestiga mꞌe̱fa.

• ¿Habu̱ dä za gi tini rä imformasion? Rä bideo Yä erramienta pa gi hyoni yä tesoro de rä Noya Äjuä uni rꞌa yä opción. Dä za gi fu̱di gi imbestiga te di representa nuꞌu̱ yä zuꞌue no̱ni ha rä mꞌede 7 de rä mfistꞌofo Daniel.

• ¿Hängu tiempo debe gi nxadi? Pa dä ze̱di ri ntsitsꞌi ko Äjuä mähyoni gi nxadi hyaxtho rä Mäkä Tꞌofo. Dä za gi fu̱di gi nxadi nꞌa hängu minuto ꞌne mꞌe̱fa dä za gi huꞌtsuäbi mä nꞌa tu̱i rä tiempo. Gi nxadi rä Noya Äjuä yꞌo̱tꞌe ngue̱nda ge gi xei rä hai pa gi honi yä tesoro; ora gi tini nꞌa rä tesoro, zäi ge mänꞌa ma gi ne gi sigi gi xei (Pr 2:3-6). Mu̱ gi jabu̱, mänꞌa ma gi numäñho rä Mäkä Tꞌofo ꞌne ma gi nzäi gi nxadi hyaxtho (1Pe 2:2).

¿TE DI REPRESENTA NUꞌU̱ YÄ ZUꞌUE NO̱NI HA DANIEL RÄ MꞌEDE 7?

• 

  Da 7:4

• 

  Da 7:5

• 

  Da 7:6

• 

  Da 7:7

MÄ NꞌA RÄ NTꞌANI:

¿Hanja bi kumpli Daniel 7:8, 24?

PA GI IMBESTIGA MꞌE̱FA:

¿Te di representa näꞌä zuꞌue no̱ni ha Revelación rä mꞌede 13?