Nuꞌu̱ bi resolbe nꞌa rä xuñha ko rä mfatsꞌi rä Noya Äjuä

¿Te dä za gä pädihu̱ de hanja bri resolbe näꞌä xuñha bi thogi?

15:1, 2. Mähyoni gä ñꞌumildehu̱ ꞌne gä pe̱ꞌtsihu̱ rä pasensia. Pablo ꞌne Bernabé himbi resolbese̱ näꞌä xuñha. En lugar de geꞌä, nuꞌu̱ bi hyombäbi rä mfatsꞌi rä organización Jeoba.

15:28, 29. Ma gä pe̱ꞌspäbihu̱ rä komfiansa rä organización Jeoba. Nuꞌu̱ yä kristianu de rä mu̱di siglo, mi pe̱ꞌtsi rä komfiansa ge Jeoba ma xä resolbe nuꞌu̱ yä xuñhaꞌu̱ po mäde de rä espiritu santo ꞌne Ñhesukristo.

16:4, 5. Mähyoni gä o̱dehu̱. Yä mhuntsꞌi bi te ngeꞌä nuꞌu̱ bi jamäsu nuꞌu̱ yä instrucción bi uni rä cuerpo gobernante.