Ma gä probechahu̱ näꞌä rä educación bi ehe de Jeoba

POR HANJA XA MÄHYONI. Rä Zi Dada Jeoba geꞌä rä Däta Xahnäte de gatꞌho rä Xiꞌmhai, ꞌne di ofresegihu̱ näꞌä rä educación mänꞌa xä ñho. Dende nubye̱ Jeoba utkägihu̱ hanja dä za gä pe̱ꞌtsihu̱ nꞌa rä hogä mꞌu̱i ꞌne hanja gä ñhokihu̱ pa xti ꞌñepu̱ näꞌä rä rꞌayꞌo xiꞌmhai xä prometegihu̱. Hinte di jutꞌihu̱ po näꞌä educación rꞌakägihu̱ Jeoba (Isa 11:6-9; 30:20, 21; Rev 22:17). ꞌNehe, utkägihu̱ hanja gä häꞌspäbihu̱ märꞌa yä jäꞌi näꞌä mensaje dä za dä ñämbäbi yä te (2Co 3:5).

TE DÄ ZA GÄ PE̱FIHU̱

• Mähyoni gä o̱thu̱ ntsꞌe̱di po gä mänxo jäꞌihu̱, gä ñꞌumildehu̱ ꞌne hingä ñꞌexmänsuhu̱ (Sl 25:8, 9).

• Mähyoni gä probechahu̱ näꞌä entrenämiento rꞌakägihu̱ Jeoba dende nubye̱. Por ejemplo, mähyoni gä aseptahu̱ ꞌne gä kumplihu̱ ko nuꞌu̱ yä asignación tꞌakägihu̱ ha näꞌä mhuntsꞌi ja entre semänä.

• Mbenise̱ hanja dä za gi pe̱päbi mä nꞌa tu̱i Jeoba ꞌne yꞌo̱tꞌe ntsꞌe̱di po gi kumpli nuꞌu̱ ri meta (Flp 3:13).

• Yꞌo̱tꞌe ntsꞌe̱di po gi kumpli yä rekisito pa dä tꞌaꞌi mä nꞌa tu̱i rä entrenämiento, mäske rꞌabu̱ di ja mꞌe̱di gi ja yä sacrificio (Flp 3:8).

HYANDIHU̱ RÄ BIDEO NÄꞌÄ EDUCACIÓN RꞌAKÄGIHU̱ JEOBA, HÄNKÄGIHU̱ NDUNTHI RÄ JOHYA. MꞌE̱FA THÄDIHU̱ NUYA YÄ NTꞌANI:

• ¿Te mä xuñha bi ñhandui rꞌa yä publikador änte de dä ntini ha rä Ngunsadi pa yä Ebanjelisador de rä Tsꞌu̱tꞌhui Äjuä?

• ¿Te mä entrenämiento tꞌuni ha näꞌä rä Ngunsadi pa yä Ebanjelisador de rä Tsꞌu̱tꞌhui Äjuä?

• ¿Te mä mfatsꞌi xä hñäni nuꞌu̱ yä ku xä bo̱ni de rä Ngunsadi pa yä Ebanjelisador ora xä zo̱ni ha nuꞌu̱ yä mhuntsꞌi habu̱ bi ꞌme̱hni?

• ¿Te mä rekisito debe dä kumpli nuꞌu̱ ne dä ntini ha rä Ngunsadi pa yä Ebanjelisador? (kr-S rä nxii 189).

• ¿Te mä ngunsadi dä za gi ntini ha rä hnini Jeoba?