¿Gi ne gi ntini ha rä Ngunsadi pa yä Ebanjelisador de rä Tsꞌu̱tꞌhui Äjuä?

¿Gi pe̱ꞌtsi entre 23 ꞌne 65 yä je̱ya ꞌne ya gi pe̱päbi rä Zi Dada Jeoba de gä prekursor? ¿Ja ri nzaki ꞌne gi ꞌmu̱i dispuesto gi ma habu̱ bi ja mꞌe̱di rä mfatsꞌi de märꞌa yä publikador? Nuꞌmu̱, ¿te hu̱kꞌäꞌi gi ñuꞌtsi ri solisitu pa gi ntini ha rä Ngunsadi pa yä Ebanjelisador? Dende bi mu̱di nunä skuela, yä mꞌotho yä medinthäti, yä soltero ꞌne yä soltera xä ñuꞌtsi yä solisitu pa dä ntini ha nunä Ngunsadi. Pe mänꞌa di ja mꞌe̱di yä soltero. Yꞌapäbi rä Zi Dada Jeoba ge dä rꞌaꞌi mä ndunthi rä ganä de gi pe̱päbi ꞌne dä maxꞌäꞌi pa gi de̱mbäbi rä mꞌu̱i näꞌä rä Tꞌu̱ (Sl 40:8; Mt 20:28; Heb 10:7). ꞌNepu̱ mbeni hanja dä za gi tsopu̱ nuꞌu̱ märꞌa yä responsabilida de gä ꞌme̱fi gi pe̱ꞌtsi o märꞌa yä asunto, pa njabu̱ ya hinte dä hyu̱kꞌäꞌi de gi ntini ha nunä Ngunsadi.

¿Te mä goxthi xä xogi pa gatꞌho nuꞌu̱ yä ku ya xä ma ha nunä Ngunsadi? Rꞌaa xä ꞌme̱hni ha nuꞌu̱ yä luga habu̱ yä jäꞌi ñä mä nꞌa rä idioma. Märꞌaa xrä mbitabi dä mfaxte dä predika ha yä däta hnini. Rꞌaa xä ꞌme̱hni de gä superintendente de circuito o de gä sustituto, ꞌne märꞌaa de gä misionero. Mientra gi mbeni hanja dä za gi pe̱päbi mä nꞌa tu̱i rä Zi Dada Jeoba, beni nuꞌu̱ yä noya bi mää rä profeta Isaías ora bi ꞌñenä: «¡Xi di ꞌmakua! ¡Go dä pe̱nkägi!» (Is 6:8).

HYANDIHU̱ RÄ BIDEO YÄ MISIONERO: DI MPE̱FI HA RÄ SOFO. MꞌE̱FA THÄDIHU̱ NUYA YÄ NTꞌANI:

• 

  ¿Hanja di thahni nuꞌu̱ di ꞌme̱hni de gä misionero?

• 

  ¿Te mä ꞌme̱fi di ja yä misionero?

• 

  ¿Te mä jäpi häni nuꞌu̱ yä misionero?