¿Hanja dä za gä benefisiahu̱ mänꞌa xä ñho ora di nxadise̱hu̱ rä Mäkä Tꞌofo?

POR HANJA XA MÄHYONI. Gä ꞌuekehu̱ rä tiempo pa gä nxadise̱hu̱ rä Mäkä Tꞌofo ma dä maxkägihu̱ pa gä «pähu̱ te ngu rä nxidi, rä maa, rä ñhee ꞌne rä ñhetsꞌi» nuꞌu̱ yä ntꞌudi de rä Mäkä Tꞌofo (Ef 3:18). ꞌNehe mu̱ gä nxadise̱hu̱ rä Mäkä Tꞌofo, ma dä maxkägihu̱ pa gä ꞌmu̱ihu̱ xä ntꞌaxi ha nunä tsꞌo xiꞌmhai ꞌne pa nunka gä ꞌuegehu̱ de rä Noya Äjuä näꞌä uni rä te (Flp 2:15, 16). Ora di nxadise̱hu̱ rä Mäkä Tꞌofo, dä za gä honihu̱ näꞌä rä imformäsio di pädihu̱ ge jakhu̱ mꞌe̱di ꞌne ge ma dä maxkägihu̱. ¿Te dä za gä pe̱fihu̱ pa mänꞌa gä benefisiahu̱ ora di nxadise̱hu̱ rä Mäkä Tꞌofo?

TE DÄ ZA GÄ PE̱FIHU̱

• Dä za gä märkahu̱ rꞌa yä testo ꞌne gä ofohu̱ yä nota ha näꞌä rä Mäkä Tꞌofo di usahu̱ pa gä nxadise̱hu̱. ꞌNehe dä za gä jahu̱bu̱ dende ha nꞌa rä celular o tablet.

• Mientra di nxadihu̱ dä za gä ñꞌanise̱hu̱: «¿De toꞌo ñä?», «¿te bi thogi?», «¿hämꞌu̱ bi thogi?», «¿habu̱ bi thogi?», «¿por hanja?» ꞌne «¿hanja bi thogi?».

• Dä za gä honihu̱ mä nꞌa tu̱i rä imformäsio de nꞌa rä tema o de nꞌa rä testo. Pa geꞌä, dä za gä usahu̱ nuꞌu̱ yä erramienta di pe̱ꞌtsihu̱ pa gä imbestigahu̱.

• Pa dä za gä benefisiahu̱ de näꞌä di nxadihu̱, mähyoni gä ntso̱ꞌmihu̱.

• Mähyoni gä pe̱fihu̱ ha mä mꞌu̱ihu̱ näꞌä xtä pädihu̱ (Lu 6:47, 48).

HYANDIHU̱ RÄ BIDEO MU̱ DI ꞌUEKEHU̱ RÄ TIEMPO PA DI NXADISE̱HU̱ RÄ NOYA ÄJUÄ, MÄNꞌA MA GÄ MÄDIHU̱. MꞌE̱FA THÄDIHU̱ NUYA YÄ NTꞌANI:

• ¿Hanja handi ndunthi yä ku näꞌä tiempo xä ꞌueke pa di nxadise̱ rä Noya Äjuä?

• ¿Por hanja xa mähyoni gä jahu̱ nꞌa rä sadi ora ma gä hudi gä nxadihu̱ rä Noya Äjuä?

• ¿Te dä za gä pe̱fihu̱ pa mänꞌa gä ntiendehu̱ xä ñho näꞌä di hetihu̱ ha rä Mäkä Tꞌofo?

• ¿Te dä za gä hutsꞌihu̱ ha näꞌä rä Mäkä Tꞌofo di usahu̱ pa gä nxadise̱hu̱?

• ¿Por hanja xa mähyoni gä ntso̱ꞌmihu̱ näꞌä xtä hetihu̱ ha rä Mäkä Tꞌofo?

• ¿Te mähyoni gä pe̱fihu̱ ko näꞌä di nxadihu̱ ha rä Mäkä Tꞌofo?