YÄ TESORO DE RÄ NOYA ÄJUÄ | TITO 1–FILEMÓN

Hanja di thahni yä ansiano

Tit 1:5-9

Tito xä muntsꞌi ko rꞌa yä ku de nꞌa rä mhuntsꞌi de rä mu̱di siglo

Rä apostol Pablo bi mändabi Tito xä «hñutsꞌi yä ansiano» ha yä mhuntsꞌi po gatꞌho yä hnini. Po geꞌä, mäpaya ꞌnehe yä superintendente de gä circuito geꞌu̱ xä tsꞌokuäbi dä hñutsꞌi yä ansiano ꞌne yä sierbo ministerial ha yä mhuntsꞌi.

RÄ CUERPO GOBERNANTE

Ja ngu ha rä mu̱di siglo, mäpaya rä Cuerpo Gobernante ꞌnehe go xä nkargobi yä superintendente de gä circuito dä hñutsꞌi yä ansiano ꞌne yä sierbo ministerial.

YÄ SUPERINTENDENTE DE GÄ CIRCUITO

Änte de dä hñutsꞌi nꞌa rä ku de gä ansiano o sierbo ministerial, yä superintendente de gä circuito mꞌe̱tꞌo pe̱ꞌtsi te dä xatuäbi Jeoba, ꞌnepu̱ dä asegura mu̱ nuꞌu̱ yä ku xä recomienda yä ansiano di kumpli ko nuꞌu̱ yä rekisito ehe ha rä Mäkä Tꞌofo.

YÄ ANSIANO DE RÄ MHUNTSꞌI

Mꞌe̱fa de dä thutsꞌi nꞌa rä ku de gä ansiano o de gä sierbo ministerial, debe dä sigi dä kumpli ko nuꞌu̱ yä rekisito ehe ha rä Mäkä Tꞌofo.