¿Dä za gi yꞌo̱tꞌe ntsꞌe̱di pa gi pe̱päbi rä Zi Dada Jeoba de gä prekursor?

Rä Zi Dada Jeoba bi gu̱ki yä israelita de rä hnini Egipto ꞌne bi ñäni de nuꞌu̱ yä soldado faraón. Po rängeꞌä yä israelita mi pe̱ꞌtsi ndunthi yä raso pa dä nsunda rä Zi Dada Jeoba (Éx 15:1, 2). Mäpaya rä Zi Dada Jeoba sigi fatsꞌi ꞌne jäpi rä hnini. ¿Hanja dä za gä umbäbihu̱ njamädi? (Sl 116:12).

Nde, dä za gä pe̱päbihu̱ de gä prekursor ausiliar o regular. Pe zäi ge rꞌabu̱ di jakägihu̱ xä ñhei. Hänge mähyoni gä apäbihu̱ Jeoba ge dä rꞌakägihu̱ rä ganä ꞌne rä tsꞌe̱di pa gä pe̱päbihu̱ (Flp 2:13). Ndunthi yä ku mꞌe̱tꞌo xä mu̱di ko rä prekursorado ausiliar. Durante yä zänä märso ꞌne abril o nuꞌmu̱ tso̱ngägihu̱ rä superintendente, dä za gä umbäbihu̱ rä Zi Dada Jeoba 30 o 50 yä ora. Ndunthi yä ku xä me̱ꞌtsi rä johya de dä me̱päbi rä Zi Dada Jeoba de gä prekursor ausiliar ꞌne geꞌä xä japäbi dä ne dä me̱päbibye̱ de gä prekursor regular. Asta nuꞌu̱ yä zi ku di mpe̱fi xo̱ge rä semänä o nuꞌu̱ yä zi ku di hñeni, xä za xä ꞌueke de yä tiempo pa dä me̱päbi Jeoba de gä prekursor regular (mwb16.07 rä nxii 8). Jeoba xä rꞌakägihu̱ ndunthi yä jäpi. ¿Hänge ri ꞌñepäbi gä umbäbihu̱ mätsꞌu̱ de mä tiempohu̱ mäske pa geꞌä ma dä ja mꞌe̱di gä jahu̱ yä sacrificio? (1Cr 16:25).

HYANDIHU̱ RÄ BIDEO HÑUU YÄ NJU DE RÄ DÄHNI MONGOLIA. MꞌE̱FA THÄDIHU̱ NUYA YÄ NTꞌANI:

• 

  ¿Te mä xuñha mi ñhandui yä nju ꞌne hanja bi za bi mprekursora regular?

• 

  ¿Te mä jäpi xä hñäni?

• 

  Koꞌmu̱ ya myä prekursora regular, ¿te mä mäkä ꞌme̱fi bi tꞌumbäbi mꞌe̱fa?

• 

  ¿Hanja bi matsꞌi märꞌaa yä hogä ejemplo nuya yä nju?