Di udihu̱ rä mhäte ora di respetahu̱ ꞌne di apoyahu̱ näꞌä rä disciplina uni Jeoba

Mu̱ nꞌa rä jäꞌi o̱tꞌe nꞌa rä däta pekado ꞌne hindi arrepenti, tꞌumbäbi nꞌa rä disciplina: dri espulsa de rä mhuntsꞌi pa njabu̱ hindä tsꞌombäbi yä mꞌu̱i märꞌa yä ku (1Co 5:6, 11). Ora dri espulsa nꞌa rä jäꞌi, bi hämpäbi ndunthi rä u̱gi nuꞌu̱ yä familia, ꞌne nuꞌu̱ toꞌo di nkargo dä umbäbi nunä tsꞌu̱i o disciplina. Pe dri espulsa nꞌa rä jäꞌi po rä mhäte. ¿Por hanja di eñhu̱ ge po rä mhäte?

Hää, rä mhäte po rä Zi Dada Jeoba ꞌne nuꞌu̱ yä mhända (1Pe 1:14-16). ꞌNehe rä mhäte po näꞌä jäꞌi dri espulsa, ngeꞌä ndunthi yä mꞌiki geꞌä fatsꞌi pa dä hye̱pu̱ näꞌä pekado o̱tꞌe ꞌne dä arrepenti (Heb 12:5, 6, 11). Pe mu̱ di sigihu̱ di ze̱njuahu̱ o di ntsitsꞌihu̱ ko nꞌa rä jäꞌi näꞌä ꞌmu̱i espulsado o ko nꞌa rä jäꞌi näꞌä bi renunsiase̱ dä fädi ngu rä testigo rä Jeoba, nuꞌmu̱ hindi hopäbihu̱ rä Zi Dada Jeoba dä korreji näꞌä jäꞌiꞌä. Beni ge rä Zi Dada Jeoba go geꞌä pädi hängu rä tsꞌu̱i o rä disciplina japäbi mꞌe̱di nꞌa rä jäꞌi (Jer 30:11). Hänge ora rä Zi Dada Jeoba uni nꞌa rä tsꞌu̱i o nꞌa rä disciplina, mähyoni gä apoyahu̱ ko rä desision. Xähmä näꞌä jäꞌi ꞌmu̱i espulsado dä arrepenti ꞌne dä mengi ko rä Zi Dada Jeoba. Pe mientraꞌä, nuju̱ debe gä sigi gä pe̱päbihu̱ ko ngatꞌho mä korasohu̱ (Is 1:16-18; 55:7).

HYANDIHU̱ RÄ BIDEO APOYA KO NGATꞌHO RI KORASO NÄꞌÄ RÄ DISCIPLINA UNI JEOBA. MꞌE̱FA THÄDIHU̱ NUYA YÄ NTꞌANI:

• 

  ¿Te di senti nꞌa rä dada o nꞌa rä nänä ora handi ge nꞌa rä bätsi desidi dä hye̱pu̱ rä Zi Dada Jeoba?

• 

  ¿Te dä za dä me̱fi gatꞌho yä ku de rä mhuntsꞌi pa dä matsꞌi nuꞌu̱ yä dada thogi njabu̱?

• 

  ¿Te mä thogi pede rä Biblia, näꞌä udi ge mäske di mädihu̱ mä familiahu̱, mähyoni mänꞌa gä mädihu̱ rä Zi Dada Jeoba?

• 

  ¿Hanja di udihu̱ ge di ꞌmu̱ihu̱ de rä lado rä Zi Dada Jeoba ora hingä geꞌä pe̱fi mä familiahu̱?