Rä Zi Dada Jeoba rꞌabu̱ tsu̱kägihu̱ ngeꞌä di mäkägihu̱

¿Te di signifika nꞌa rä tsꞌu̱i? Geꞌä rä mfatsꞌi tꞌumbäbi nꞌa rä jäꞌi pa dä ntiende ꞌne dä korreji habu̱ hingä geꞌä pe̱fi. Pe rꞌabu̱ nunä tsꞌu̱i di ñꞌoui rä kastigo. Rä Zi Dada Jeoba utkägihu̱ hanja gä yꞌohu̱ ha rä ꞌñuu. Pe ora handi ge di ꞌuengihu̱, näꞌä tsu̱kägihu̱ pa gä pengihu̱ ha rä ꞌñuu ꞌne gä xo̱kämbenihu̱ ja ngu adiꞌä (Ro 12:1; Heb 12:10, 11). Ora di hänihu̱ nꞌa rä tsꞌu̱i, di u̱ mä mfenihu̱. Pe mu̱ gä jamäsuhu̱ näꞌä sikägihu̱, geꞌä ma dä maxkägihu̱ gä yꞌohu̱ ha rä ꞌñuu Äjuä ꞌne näꞌä ma dä rꞌakägihu̱ rä jäpi (Pr 10:7). ¿Te debe dä me̱fi nuꞌu̱ uni nꞌa rä tsꞌu̱i? ¿Te debe dä me̱fi toꞌo häni nꞌa rä tsꞌu̱i?

Nuꞌu̱ uni nꞌa rä tsꞌu̱i. Yä anciano, yä dada ꞌne gatꞌho nuꞌu̱ uni nꞌa rä tsꞌu̱i, debe dä uni ko rä ñhojäꞌi ꞌne rä mhäte ja ngu di ja rä Zi Dada Jeoba (Jer 46:28). Asta mu̱ di ja mꞌe̱di nꞌa rä däta tsu̱ꞌi, mähyoni dä tꞌuni ko rä ñhojäꞌi ꞌne rä mhäte (Tit 1:13).

Nuꞌu̱ häni nꞌa rä tsꞌu̱i. Hindi mporta hängu bi tsꞌu̱kägihu̱, mähyoni gä pe̱fihu̱ nguntꞌä nuꞌu̱ yä konseho bi tꞌakägihu̱ (Pr 3:11, 12). Ninꞌa rä jäꞌi hingä rä perfecto, hänge gatꞌho di honihu̱ yä konseho ꞌne rꞌabu̱ di jakägihu̱ mꞌe̱di nꞌa rä tsꞌu̱i. Rꞌabu̱ di hänihu̱ rä tsꞌu̱i ora di hetihu̱ rä Biblia o ko näꞌä di o̱dehu̱ ha yä mhuntsꞌi. Pe rꞌabu̱ ma dä ja mꞌe̱di ge yä anciano dä muntsꞌi kongekhu̱ pa dä rꞌakägihu̱ yä konseho. Mu̱ gä jamäsuhu̱ näꞌä dä sikägihu̱ ꞌne gä pe̱fihu̱ nuꞌu̱ yä konseho dä tꞌakägihu̱, ma dä za gä mꞌu̱ihu̱ pa nzäntho ha näꞌä rꞌayꞌo xiꞌmhai xä ꞌñepu̱ (Pr 10:17).

HYANDIHU̱ RÄ BIDEO «JEOBA DI DISCIPLINA NUꞌU̱ TOꞌO DI MÄDIꞌÄ». MꞌE̱FA THÄDIHU̱ NUYA YÄ NTꞌANI:

• 

  ¿Mi tengu rä mꞌu̱i rä ku Canon nuꞌmu̱ mrä tꞌu̱kä bätsi, pe te bi me̱fi mꞌe̱fa?

• 

  ¿Tengu näꞌä rä tsꞌu̱i bi hñäni rä ku Canon de rä Zi Dada Jeoba?

• 

  ¿Te dä za gä pädihu̱ de rä Zi Dada Jeoba ko näꞌä bi thogi rä ku Canon?