¿Te mi pe̱fi yä levita?

Rä Zi Dada Jeoba bi gohui yä levita en lugar de xä gohui nuꞌu̱ yä mu̱di tꞌu̱ nuꞌu̱ märꞌa yä tribu de Israel (Nú 3:11-13; it-2-S rä nxii 890, rä parr. 1).

Yä levita mi nꞌañꞌo nuꞌu̱ yä ꞌme̱fi xki tꞌumbäbi (Nú 3:25, 26, 31, 36, 37; it-2-S rä nxii 213).

Ora yä levita ya mi tso̱xä 30 yä je̱ya, geꞌmu̱ mi fu̱di mi kumpli gatꞌho nuꞌu̱ yä responsabilida xki tꞌumbäbi. Nuꞌu̱ yä responsabilida mi huadi nuꞌmu̱ mi pe̱ꞌtsi 50 yä je̱ya (Nú 4:46-48; it-2-S rä nxii 214, rä parr. 2).

Nuꞌu̱ yä ñꞌo̱ho̱ de rä familia Aarón geꞌu̱ mi ja nuꞌu̱ yä ꞌme̱fi de gä majhä, ꞌne nuꞌu̱ märꞌa yä levita myä maxtetho. Mäpaya, ha yä mhuntsꞌi rꞌa yä ku gu̱tꞌi rä ꞌñuu ꞌne pe̱fi nuꞌu̱ yä däta responsabilida, mientra märꞌa yä ku faxte ko märꞌa yä ꞌme̱fi.