Ha rä templo mri so̱kämbeni Jeoba ko ndunthi rä orden

Rä rey David bi organisa yä levita ꞌne yä majhä pa dä mpe̱fi ha rä templo (1Cr 23:6, 27, 28; 24:1, 3; it-2-S rä nxii 214, rä parr. 1; rä nxii 893, rä parr. 1).

Bi thutsꞌi yä músico tanto nuꞌu̱ ya xa mi pädi ngu nuꞌu̱ ja penä mi nxadi (1Cr 25:1, 8; it-2-S rä nxii 443, rä parr. 1).

Rꞌa yä levita bi thutsꞌi dä su yä goxthi, rꞌaa bi thutsꞌi de gä tesorero ꞌne märꞌaa bri nkargobi märꞌa yä ꞌme̱fi (1Cr 26:16-20; it-2-S rä nxii 684, rä parr. 1).

Ha nꞌa rä Ngu de gä Mhuntsꞌi änte de rä mu̱di rä mhuntsꞌi: 1) Yä ku di nze̱njua nꞌa ngu mänꞌaa ꞌne di mplatika. 2) Nꞌa rä ku ja te uti nꞌa rä nju ha rä tablero de gä imformäsio. 3) Nꞌa rä nju e̱ntꞌi rä donäsio. 4) Nꞌa rä ku umbäbi yä he̱ꞌmi nꞌa rä nju. 5) Nꞌa rä ku komuda rä micrófono ha rä plataforma. 6) Nꞌa rä ku ko rä bätsi paxti rä Ngu de gä Mhuntsꞌi.

Rä Zi Dada Jeoba di ho rä orden, hänge adi dä nja rä orden ha rä hnini (1Co 14:33).

PA GI NTSO̱ꞌMI: ¿Hanja di nheki ge ja rä orden ha yä mhuntsꞌi mäpaya?