Nꞌa rä pa ma dä uadi gatꞌho yä ntꞌu̱tsate

Ora di thogihu̱ yä ntꞌu̱tsate o märꞌa yä prueba, jakägihu̱ gä desanimähu̱. David mi pädi xä ñho ge nuꞌu̱ yä ntꞌu̱tsate mi thogi hingä ma xä dura pa nzäntho. ꞌNe geꞌä bi thogi, Jeoba bi hñämpäbi ngue̱nda Saúl, ꞌne David bi zo̱ho̱ bi nrey ja ngu xki prometebi Jeoba (1Sa 16:13). Näꞌä rä komfiansa mi pe̱ꞌspäbi Jeoba, bi matsꞌi David pa bi do̱ꞌmi ko rä pasensia.

Jeoba dä za dä rꞌakägihu̱ rä mfädi pa gä pädi te gä pe̱fihu̱ ora di thogihu̱ yä prueba (1Sa 21:12-14; Pr 1:4). Pe mähyoni gä benihu̱ ge rꞌa yä prueba hingä nguntꞌä ma dä uadi ja ngu gä nehmähu̱. Po rängeꞌä, mähyoni gä pe̱ꞌtsihu̱ rä pasensia ꞌne gä ndo̱ꞌmihu̱ asta nuꞌmu̱ Jeoba dä hñäki nuꞌu̱ yä prueba di thogihu̱. Mänꞌitꞌho ma dä hñäki gatꞌho nuꞌu̱ yä tꞌo̱tꞌe jakägihu̱ gä sufrihu̱ ꞌne gä zonihu̱ (Ap 21:4). Pe mientra dä zo̱ho̱ näꞌä rä paꞌä, jabu̱ nꞌa rä tꞌo̱tꞌe mähyoni gä benihu̱: ¡gatꞌho nuꞌu̱ yä prueba o ntꞌu̱tsate di thogihu̱, ma dä uadi! ¿Hänge xa di nupkä mä mfenihu̱ gä pädihu̱ njabu̱?

HYANDIHU̱ RÄ BIDEO NUNÄ XIꞌMHAI HINGÄ MA DÄ HÑÄGÄGIHU̱ DE GÄ MÄDIHU̱ NꞌA NGU MÄNꞌAA. MꞌE̱FA THÄDIHU̱ NUYA YÄ NTꞌANI:

• ¿Te mä xuñha bi ñhandui ndunthi mä kuhu̱ ha rä sur de Estados Unidos?

• ¿Hanja bi ꞌñudiꞌu̱ rä mhäte ꞌne rä pasensia?

• ¿Te mänꞌa mi mähyoni pa nuꞌu̱ mä kuhu̱? (Flp 1:10).