MÄ MꞌU̱IHU̱ NGU YÄ KRISTIANU

¿Ya xkä ñhoki pa ora dä nja nꞌa rä thuhu?

¿Por hanja hindi sorprendegihu̱ ge ngu thogi yä pa mänꞌa di mäki yä kosa? Ngeꞌä di ꞌmu̱hu̱ ha yä gäxä pa. Rä Noya Äjuä enä ge hindi debe gä huxu̱ mä komfiansahu̱ ha rä bojä (1Ti 6:17; 2Ti 3:1). ¿Hanja näꞌä bi me̱fi rä rey Jehosafat dä za dä maxkägihu̱ pa ora xti nja rä thuhu?

Rä rey Jehosafat bi me̱ꞌspäbi rä komfiansa Jeoba nuꞌmu̱ nuꞌu̱ yä nkontra bi nju̱tsꞌi kontra geꞌä (2Cr 20:9-12). Pe hingä ho̱nse̱ꞌä, ꞌnehe ya xki gotꞌi xä ñho rä hnini ꞌne ya xki organisa yä soldado (2Cr 17:1, 2, 12, 13). Geꞌä ri ꞌñehe gä pe̱fihu̱ ꞌnehe. Debe gä pe̱ꞌspäbihu̱ rä komfiansa Jeoba ꞌne gä ñhokihu̱ dende änte pa ora dä zo̱ho̱ yä xuñha ya gä pädihu̱ te dä za gä pe̱fihu̱.

¿HÄNJA DÄ ZA GÄ ÑHOKIHU̱ PA ORA XTI NJA NꞌA RÄ THUHU?

Su ri ntsitsꞌi ko Äjuä. Jamädibi Äjuä po näꞌä gi pe̱ꞌtsi ꞌne pe̱ꞌspäbi rä komfiansa ge näꞌä ma dä rꞌaꞌi näꞌä jaꞌä mꞌe̱di hyaxtho (Mt 6:26; 1Ti 6:8). Beni ge Äjuä adi gä ñꞌonrradohu̱ ha gatꞌho näꞌä di pe̱fihu̱ mäske gä thogihu̱ yä ñꞌäbojä (Ro 2:21). Hyandi te dä za gi pe̱fi pa hingi mꞌe̱di näꞌä rä hñuni de rä Noya Äjuä, mäske di otho rä ñotꞌi o rä internet. Por ejemplo, dä za gi pe̱ꞌtsi rꞌa yä revista de gä he̱ꞌmi o gi descarga rꞌa de geꞌu̱.

ꞌUeke nꞌa rä despensa. Yꞌo̱tꞌe ntsꞌe̱di po hingi tu yä thai nixi gi tai nuꞌu̱ yä kosa hingä mähyoni (Pr 22:7). Mu̱ dä za, ꞌueke nꞌa rä despensa pa ora dä nja nꞌa rä thuhu. Mu̱ ja nꞌa rä zi luga ha ri nguu, dä hogi gi potꞌi rꞌa yä berdura pa gi orra rä bojä.

HYANDIHU̱ RÄ BIDEO HANJA DÄ ZA GÄ ÑHOKIHU̱ PA ORA DÄ ZO̱HO̱ YÄ TSꞌO THOGI. MꞌE̱FA THÄDIHU̱ NUYA YÄ NTꞌANI:

Nꞌa rä foto de näꞌä po̱ni ha rä bideo «Hanja dä za gä ñhokihu̱ pa ora dä zo̱ho̱ yä tsꞌo thogi». ꞌNehe di nheki nꞌa rä dibujo de nꞌa rä Mäkä Tꞌofo, nꞌa rä mochila, nꞌa rä telefono ꞌne nꞌa rä construcción.

¿Hanja dä za gi ñhoki dende änte pa ora xti zo̱ho̱ nꞌa rä tsꞌo thogi?

Ri mpengi

Nꞌa rä foto de näꞌä po̱ni ha rä bideo «Hanja dä za gä ñhokihu̱ pa ora dä zo̱ho̱ yä tsꞌo thogi». Nꞌa rä dibujo habu̱ di nheki hanja rꞌa yä ku umbäbi rä mfatsꞌi nuꞌu̱ xä me̱ꞌtsi yä tsꞌo thogi, märꞌaa käꞌmi yä material de nꞌa rä karro ꞌne märꞌa di mpe̱fi ha nꞌa rä construcción.

¿Hanja dä za gi ñhoki dende änte pa gi fatsꞌi märꞌaa?

Ri mpengi