Nuꞌu̱ yä tsꞌo yꞌo̱de xofo yä u̱gi

Rꞌa de nuꞌu̱ yä israelita bi nthätui yä ꞌme̱hñä nuꞌu̱ mi xo̱kämbeni yä idolo (Esd 9:1, 2; w06-S 15/1 rä nxii 20, rä parr. 1).

Himbi yꞌo̱tꞌe nuꞌu̱ mhända xki uni Äjuä (Esd 9:10-12).

Po yä tsꞌo yꞌo̱de, nuꞌu̱ ꞌne yä familia bi sufri (Esd 10:10, 11, 44).

Nꞌa rä nju bi nthätui nꞌa rä jäꞌi näꞌä himi pe̱päbi Äjuä, pe nubye̱ xä hñudi beni mi tengu rä mꞌu̱i mä mꞌe̱tꞌo. Ha rä mexa jani yä yꞌu̱i ꞌne rä xito rä ithe, ꞌne rä däme ꞌme̱ni ähä ha nꞌa rä sala.

Gatꞌho nuꞌu̱ yä mhända xä uni Äjuä pa mä ñhose̱hu̱ (w09-S 1/10 rä nxii 10, rä parr. 6). Mu̱ gä o̱tehu̱, hingä ma gä xofohu̱ yä u̱gi ꞌne ma gä hänihu̱ ndunthi yä jäpi.

ÑꞌANISE̱: «¿De te mä xuñha xtä kꞌotꞌi po gä o̱te rä Zi Dada Jeoba?».