MÄ MꞌU̱IHU̱ NGU YÄ KRISTIANU
Hyombäbi rä mfatsꞌi Jeoba ora tꞌo̱tꞌäꞌi yä ntsꞌomꞌu̱i
Rä bullying (o yä ntsꞌomꞌu̱i) dä za dä hänkägihu̱ ndunthi rä u̱gi. Mu̱ gä tsuhu̱ nuꞌu̱ yä jäꞌi u̱tsagihu̱ po näꞌä di kamfrihu̱, dä za dä japi dä käni näꞌä rä ntsitsꞌi di pe̱ꞌtsihu̱ ko rä Zi Dada Jeoba. ¿Hanja dä za gi nsu de nuꞌu̱ yä tsꞌomꞌu̱i jäꞌi?
Ndunthi xä za xä däpäbi nuꞌu̱ yä ntsꞌomꞌu̱i ngeꞌä xä hyombäbi rä mfatsꞌi rä Zi Dada Jeoba (Sl 18:17). Por ejemplo, Ester bi ꞌñudi rä balo ꞌne bi mää näꞌä rä ntsꞌomꞌu̱i mi ne dä yꞌo̱tꞌe Hamán. Hamán xa mrä bo̱ka ꞌne xa mi u̱tsabi rä hnini Jeoba (Est 7:1-6). Pa bi ꞌñudi Ester ge mi hombäbi rä mfatsꞌi Jeoba, näꞌä himbi ñuni (Est 4:14-16). Po näꞌä bi me̱fi Ester, Jeoba bi ñämbäbi rä te ꞌne gatꞌho nuꞌu̱ märꞌa yä judío.
Mu̱ gi thogi yä ntsꞌomꞌu̱i ja ngu Ester, yꞌapäbi rä mfatsꞌi Jeoba. ꞌNehe dä za gi xipäbi nꞌa rä jäꞌi näꞌä dä za dä maxꞌäꞌi, por ejemplo ri dada o ri nänä. Ogi duda ge rä Zi Dada Jeoba ma dä maxꞌäꞌi ja ngu bi matsꞌi Ester. ¿Te mä nꞌa dä za gi pe̱fi mu̱ gi thogi yä ntsꞌomꞌu̱i?
HYANDIHU̱ RÄ BIDEO NUꞌMU̱ GRÄ BÄSJÄꞌI: ¿TE DÄ ZA GÄ PE̱FI MU̱ TꞌO̱TKÄGI YÄ NTSꞌOMꞌU̱I? MꞌE̱FA THÄDIHU̱ NUYA YÄ NTꞌANI:
¿Te dä za dä bädi yä bäsjäꞌi de näꞌä bi me̱fi Charlie ꞌne Ferin nuꞌmu̱ mi tꞌo̱tꞌpäbi yä ntsꞌomꞌu̱i?
¿Te dä za dä bädi yä dada ꞌne yä nänä de nunä bideo?