Näꞌä dä za gä pe̱fihu̱ ora di nxadise̱hu̱ rä Mäkä Tꞌofo o ko mä familiahu̱

Nuju̱ di xo̱kämbenihu̱ rä Zi Dada Jeoba ko yä ku ha rä congregación ꞌne ha yä däta mhuntsꞌi. Pe kada nꞌa de gekhu̱ di ꞌuekehu̱ rä tiempo pa di xatuäbihu̱ rä Zi Dada Jeoba ꞌne di nxadihu̱ rä Mäkä Tꞌofo. ꞌNehe di ꞌuekehu̱ rä tiempo pa gä xo̱kämbenihu̱ rä Zi Dada Jeoba ko mä familiahu̱. Jaua rꞌa yä idea de te dä za gi pe̱fi ora gi nxadise̱ rä Mäkä Tꞌofo o ko ri familia:

• Ñhoki ko näꞌä imformäsio ma gä handihu̱ ha rä mhuntsꞌi. Dä za gi nsaya nuꞌu̱ yä jähñä ma dä thuti ha rä mhuntsꞌi ꞌne dä za gi fatsꞌi ri familia pa kada nꞌa dä geꞌu̱ dä uni mädi nꞌa rä komentario.

• Hñeti nꞌa rä ꞌmede de rä Mäkä Tꞌofo. ꞌNepu̱ yꞌofo o hyoki nꞌa rä dibujo de te gä pädi de geꞌä.

• Ha rä Mäkä Tꞌofo pede te bi mää yä amigo rä Zi Dada Jeoba ora bi xatuäbi. Huahni nꞌa de nuꞌu̱ yä sadi pa gi pädi hanja dä za dä maxꞌäꞌi pa mänꞌa gi xatuäbi xä ñho rä Zi Dada Jeoba.

• Hyandi nꞌa rä bideo ꞌnepu̱ ñä ko märꞌaa o yꞌofo näꞌä gä pädi.

• Nsaya te ma gi mää xki po̱ni gi predika.

• Hyandi te gatꞌho xä hyoki rä Zi Dada Jeoba ꞌne hñudi gi ntso̱ꞌmi pa gi yꞌe̱ntꞌä ha ri mfeni ꞌne ha ri koraso te utꞌäꞌi. Mu̱ gi ñꞌoui ri familia ñä de gehnä kongeꞌu̱.a