Rꞌato yä miyon yä jäꞌi xä du po rä COVID | ¿Te udi rä Biblia?

Rä 23 de rä mäyo de rä 2022, rä Organización Mundial de la Salud (OMS) bi ꞌñenä ge xki du 6,27 yä miyon yä jäꞌi po ränge rä COVID-19. Pe rä 5 de rä mäyo de rä 2022, nꞌa rä notisia bi ꞌñenä ge rä OMS bi mää ge nuꞌu̱ yä jäꞌi xä du po ränge rä COVID mänꞌa ndunthi ngeꞌä hinxä mꞌede xä ñho. ꞌNehe bi ꞌñenä ge entre rä 2020 ꞌne rä 2021 bi du 14,9 yä miyon yä jäꞌi po ränge rä COVID-19. Rꞌa de nuꞌu̱ yä jäꞌi ya mi tsu̱di märꞌa yä ñheni, pe mi zu̱di rä COVID-19 mänꞌa bi ziꞌti yä ñheni ꞌne bi du. ¿Te udi rä Biblia de yä ñheni?

Rä Biblia ya xki mää ge ma xä nja yä ñheni

•  Rä Hesu bi ꞌñenä ge ha «yä gäxä pa» ma xä nja ndunthi «yä ñheni» (2 Timoteo 3:1; Lucas 21:11).

Nunä profecía bi mängä rä Hesu di kumpli mäpaya. Mu̱ gi ne gi pädi mä nꞌa tu̱i, hñeti rä artikulo «¿Te mä seña ma dä nheki ha yä “gäxä pa”?».

Rä Biblia hubgä mä mu̱ihu̱

•  «Äjuä [...] mä Dadahu̱ nuꞌä pe̱skähu̱ rä nthekäte [...]. Nuꞌä hubgä mä mu̱ihu̱ ora di thohu̱ yä tsꞌo thogi» (2 Corintios 1:3, 4).

Ndunthi de nuꞌu̱ yä zi jäꞌi xä du nꞌa rä familia o nꞌa rä amigo, xä hñuꞌmpäbi yä mu̱i näꞌä udi rä Biblia. Hñeti yä artikulo «Cómo sobrellevar el duelo: Sugerencias prácticas» ꞌne «La mejor ayuda para quienes están de duelo».

Rä Biblia udi ge mänꞌitꞌho ma dä uadi yä ñheni

•  «Hyopi dä ehe ri Tsꞌu̱tꞌhui. Hyopi dä tꞌo̱tꞌe ri bolunta ngu mähetsꞌi, ꞌnehe ha rä xiꞌmhai» (Mateo 6:10).

Xti mända rä Gobiernu Äjuä nuua ha rä Xiꞌmhai, ma dä japi dä kumpli nuya yä noya: «Ninꞌa rä jäꞌi ma dä ꞌñenä: “Di hñeni”» (Isaías 33:24; Marcos 1:14, 15). Pa gi pädi mä nꞌa tu̱i te ma dä me̱fi nunä gobiernu, hyandi rä bideo ¿Te me̱ꞌä rä Tsꞌu̱tꞌhui Äjuä?

Di mbitaꞌihe gi pädi te udi rä Biblia. Nuꞌi ꞌne ri familia ma dä maxꞌäꞌihu̱ ndunthi nuꞌu̱ yä hogä tsꞌofo uni Äjuä. ꞌNehe, ma dä hñupꞌä ri mu̱ihu̱ gi pädihu̱ te xä promete Äjuä pa xudi ndämäni.