¿Te ma dä me̱fi rä Gobiernu Äjuä pa dä hñäki yä gerra?

Po gatꞌho rä xiꞌmhai, yä gerra xpä hä xa ndunthi yä u̱gi ꞌne yä sufrimiento. Hyandi te xä bo̱ni ha rꞌa yä imforme:

• «Ha näꞌä rä je̱ya bi thogi, po nuꞌu̱ yä gerra bi nja ha yä dähni Etiopía ꞌne Ucrania, bi du mä ndunthi yä jäꞌi ke ha nuꞌu̱ 28 yä je̱ya bi thogi mꞌe̱fa de 1994» (Instituto de Investigación para la Paz de Oslo, 7 de rä junio de rä 2023).

• «Näꞌä rä gerra bi nja ha Ucrania, se̱he̱ geꞌä nꞌa de nuꞌu̱ yä gerra bi nja durante rä je̱ya 2022. Po gatꞌho rä xiꞌmhai, durante rä je̱ya 2022 bi hñutsꞌi 27% rä ndunthi nuꞌu̱ yä xuñha ꞌne yä tuhni bi nja po ränge rä politika ꞌne bi afektabi ngu nꞌa 1.700 yä miyon yä jäꞌi (Proyecto de Datos de Localización y Eventos de Conflictos Armados [ACLED], 8 de rä febrero de rä 2023).

Mäske asta mäpaya xi xä nja ndunthi yä tuhni ꞌne yä gerra, rä Noya Äjuä uni nꞌa rä hogä notisia näꞌä nupkä mä mfenihu̱. Enä ge «rä Zi Dada de mähetsꞌi ma dä hñutsꞌi nꞌa rä gobiernu näꞌä hinto ma dä destrui» (Daniel 2:44). ꞌNehe enä ge nunä Gobiernu xä hñutsꞌi Äjuä, go ma dä nkargo «dä hñäki yä gerra po gatꞌho rä xiꞌmhai» (Salmo 46:9).