¿Te ma dä me̱fi rä Gobiernu Äjuä pa dä hñäki yä hñeni?

«Koꞌmu̱ rä COVID-19 ya bi tsaya nꞌa tu̱i, hingi ne dä mää ge ya ma dä mꞌe̱di ꞌne ge ya nunka ma dä nja märꞌa yä hñeni nguꞌätho. [...] Pe̱ꞌtsi te gä ñhokihu̱ ngeꞌä hindi pädihu̱ te mä hñeni ma dä ꞌñepu̱ xudi ndämäni» (Tedros Adhanom Ghebreyesus, director general de la Organización Mundial de la Salud, 22 de rä mäyo de rä 2023).

Asta mäpaya ndunthi yä jäꞌi tobe tsu ꞌne hinxä hogi xä ñho mꞌe̱fa de bi zu̱di rä COVID-19. ¿Xä ñhoki yä gobiernu ꞌne nuꞌu̱ yä ngu de gä ntꞌo̱the pa xti zo̱ho̱ mä nꞌa rä pandemia? O, ¿dä za dä hñäki nuꞌu̱ yä hñeni di thogihu̱ mäpaya?

Rä Noya Äjuä enä ge «rä Zi Dada de mähetsꞌi ma dä hñutsꞌi nꞌa rä gobiernu näꞌä hinto ma dä destrui» (Daniel 2:44). Nunä Gobiernu go ma dä nkargo dä su ꞌne dä umbäbi näꞌä japäbi mꞌe̱di gatꞌho yä jäꞌi pa ya hindä hñeni. Ha mä nꞌa rä testo enä ge «ninꞌa rä jäꞌi ma dä ꞌñenä: “Di hñeni”» (Isaías 33:24). Gatꞌho nuꞌu̱ yä jäꞌi di ꞌmu̱kua ha rä Xiꞌmhai ma dä nja yä nzaki ꞌne yä tsꞌe̱di ngu yä bäsjäꞌi (Job 33:25).