¿Hanja ma dä zo̱ho̱ dä nja nꞌa rä hogä mꞌu̱i nuua ha rä Xiꞌmhai?

Näꞌä udi rä Mäkä Tꞌofo

Mänꞌitꞌho ma dä nja nꞌa rä hogä mꞌu̱i nuua ha rä Xiꞌmhai, pe hingä po yä ye̱ yä jäꞌi, ma dä njabu̱ po rä Tsꞌu̱tꞌhui Äjuä. Näꞌä tsꞌu̱tꞌhui bi ja ha mähetsꞌi ꞌne Ñhesukristo go geꞌä rä Rey. Hyandi hanja rä Mäkä Tꞌofo uni nunä rä humu̱i.

1. Äjuä ma dä japi «dä tsaya yä tuhni asta ha rä ngu̱ni rä xiꞌmhai», ꞌne njabu̱ ma dä nja «nꞌa rä hogä mꞌu̱i nuua ha rä xiꞌmhai pa nuꞌu̱ toꞌo di numäñho Äjuä» (Salmo 46:9; Lucas 2:14, Nueva Traducción Viviente).

2. Rä Tsꞌu̱tꞌhui Äjuä ma dä mända ha gatꞌho rä Xiꞌmhai ꞌne ya hingä ma dä ꞌuege yä hnini nixi yä jäꞌi, ngeꞌä geꞌä xä japi xä nja yä tuhni (Daniel 7:14).

3. Rä Hesu, näꞌä rä Rey de rä Tsꞌu̱tꞌhui Äjuä, fädi ngu rä nꞌa rä «Ndä de gä hogä mꞌu̱i». Hää, näꞌä ma dä japi dä nja nꞌa rä hogä mꞌu̱i pa nzäntho ha rä Xiꞌmhai (Isaías 9:6, 7).

4. Rä Tsꞌu̱tꞌhui Äjuä, ma dä huati gatꞌho nuꞌu̱ toꞌo honi yä tuhni, ngeꞌä Äjuä di «u̱tsa gatꞌho toꞌo mädi yä tuhni» (Salmo 11:5; Proverbios 2:22).

5. Äjuä uti yä ꞌme̱go hanja dä mꞌu̱i nsi yä tuhni. Rä Mäkä Tꞌofo mängä njaua: «Nuꞌu̱ yä däjuai, kongeꞌu̱ ma dä hyoki yä tꞌabi, ꞌne nuꞌu̱ yä lansa kongeꞌu̱ ma dä hyoki yä tꞌe̱xi. Ya hingä ma dä gu̱tsꞌi yä däjuai yä dähni kontra märꞌa yä dähni, ngeꞌä nuꞌu̱ ya hingä ma dä bädi yä tuhni» (Isaías 2:3, 4).

Yä miyontho yä testigo rä Jeoba po gatꞌho rä Xiꞌmhai di nxadi hanja dä me̱ꞌtsi nꞌa rä hogä mꞌu̱i (Mateo 5:9). Dyä menguhe habu̱räza ꞌne di ꞌmu̱ihe ha thogi de 230 yä dähni ꞌne yä tꞌu̱kä hnini, pe ninꞌa de gekhe ma gä nju̱tsꞌihe pa gä hohe mä mikꞌeihe.