¿Toꞌo Äjuä?

ꞌMu̱i se̱he̱ nꞌatho rä Zi Dada näꞌä xa mäjuäni, rä thuhu Jeoba (Salmo 83:18). Nuju̱ hindä za gä handihu̱ Äjuä ngeꞌä näꞌä nꞌa rä espiritu. Äjuä xa di mäkägihu̱, ꞌne to̱ꞌmi gä mädihu̱ ꞌnehe. Jeoba to̱ꞌmi ge gä mädihu̱ gatꞌho yä jäꞌi (Mateo 22:35-40). Jeoba geꞌä xa rä Däta Tsꞌu̱tꞌhui de gatꞌho rä Xiꞌmhai, ꞌne go geꞌä rä Hyokäte de gatꞌho yä tꞌo̱tꞌe.

Jeoba mꞌe̱tꞌo bi hyoki nꞌa rä e̱nxe̱ näꞌä xa ja ndunthi rä tsꞌe̱di. Mꞌe̱fa, näꞌä rä e̱nxe̱ bi tꞌembi Ñhesukristo. Jeoba ꞌnehe bi hyoki märꞌa yä e̱nxe̱.

Jeoba bi hyoki gatꞌho näꞌä bi ja ha mähetsꞌi... ꞌne gatꞌho näꞌä ja ha rä Xiꞌmhai (Apocalipsis [Revelación] 4:11)

Rä Zi Dada Jeoba bi hyoki yä tso̱o̱ ꞌne gatꞌho näꞌä ja ha rä Xiꞌmhai (Génesis 1:1).

Ko näꞌä rä fonthai mi ja ha rä xiꞌmhai, Äjuä bi hyoki rä Adan, näꞌä rä mu̱di ñꞌo̱ho̱ (Génesis 2:7).