Hanja dä za gä uñhu̱ ntꞌo̱de mänꞌa xä ñho: Usa xä ñho yä ntꞌani

POR HANJA XA MÄHYONI: Proverbios 20:5 udi ge yä mfeni nꞌa rä jäꞌi ꞌñenä ngu nuꞌu̱ yä dehe po ha nꞌa rä poso xa xä ñhee. Pe yä ntꞌani ꞌñenä ngu nꞌa rä ntꞌathe näꞌä ma dä maxkägihu̱ pa gä ju̱kihu̱ te di mbeni yä jäꞌi ꞌne pa dä ho dä ñä kongekhu̱. ¿Hanja dä za gä de̱mbäbihu̱ rä ejemplo rä Hesu ora di usahu̱ yä ntꞌani?

TE DÄ ZA GÄ PE̱FIHU̱:

• Usa nuꞌu̱ yä ntꞌani habu̱ dä za dä xiꞌi te di mbeni näꞌä jäꞌi gi ñäui. Rä Hesu bi usa yä ntꞌani pa bi bädi te mi mbeni nuꞌu̱ yä de̱ni (Mt 16:13-16; be-S rä nxii 238, yä parr. 3-5). Xi nuꞌi, ¿ngu te mä ntꞌani dä za gi usa?

• Usa nuꞌu̱ yä ntꞌani ma dä zitsꞌi nꞌa rä jäꞌi dä ntiende xä ñho nꞌa rä ntꞌudi. Rä Hesu bi usa yä ntꞌani pa bi matsꞌi rä apostol Pedro bi paati rä mfeni. Ora mi o̱tpäbi yä ntꞌani, ꞌnehe mi umbäbi yä opción pa njabu̱ mi japäbi dä ntso̱ꞌmi ꞌne mi fatsꞌi dä ntiende xä ñho nꞌa rä asunto (Mt 17:24-26). ¿Ndaꞌu̱ nuꞌu̱ yä ntꞌani dä za gi usa pa dä zitsꞌi nꞌa rä jäꞌi dä ntiende xä ñho nꞌa rä ntꞌudi?

• Felisita ꞌne nupäbi yä mfeni. Rä Hesu mi nupäbi yä mfeni yä jäꞌi ora mi handi ge mi ntiende xä ñho nꞌa rä ntꞌudi (Mr 12:34). Mbeni, ¿te dä za gi xipäbi nꞌa rä jäꞌi tanto mu̱ dä dädi xä ñho o hinä ora gi o̱tpäbi nꞌa rä ntꞌani?

HYANDI NÄꞌÄ RÄ MU̱DI PARTE DE RÄ BIDEO YꞌO̱TꞌE NÄꞌÄ RÄ ꞌME̱FI BI JA RÄ HESU—ꞌÑUDI. MꞌE̱FA THÄDI NUYA YÄ NTꞌANI:

• Mäske geꞌä udi rä Mäkä Tꞌofo näꞌä bi esplika näꞌä rä ku, ¿por hanja hinxä ñho näꞌä forma hanja bi ꞌñudi?

• ¿Por hanja hindi debe ho̱nse̱ gä esplikahu̱ rä imformasion?

HYANDI NÄꞌÄ MÄ NꞌA PARTE DE RÄ BIDEO. MꞌE̱FA THÄDI NUYA YÄ NTꞌANI:

• ¿Por hanja näꞌä ku bi usa xä ñho yä ntꞌani?

• ¿Te mä nꞌa dä za gä pädihu̱ de hanja udi näꞌä ku?