MÄ MꞌU̱IHU̱ NGU YÄ KRISTIANU
Usa rä Noya Äjuä pa gi fatsꞌi ri bätsi dä me̱päbi Jeoba ko rä johya
Nuꞌu̱ yä dada ꞌne yä nänä pe̱päbi rä Zi Dada Jeoba, ne ge yä zi bätsi dä mabi xä ñho ꞌne dä me̱päbi ꞌnehe rä Zi Dada Jeoba ko rä johya. Pa geꞌä, ¿te mähyoni dä me̱fi yä dada ꞌne yä nänä? Mähyoni dä me̱fi näꞌä di mända rä Noya Äjuä. ꞌNepu̱ nuꞌu̱ yä tsꞌofoꞌu̱, mähyoni dä ꞌñuti yä zi bätsi (Pr 22:6).
Ñꞌamigoui nuꞌu̱ ri bätsi pa njabu̱ dä me̱tsꞌäꞌi rä komfiansa ꞌne dä xiꞌi te tupäbi yä mu̱i (Snt 1:19).
ꞌMu̱i ja ngu di mända rä Zi Dada Jeoba pa njabu̱ gi umbäbi nꞌa rä hogä ejemplo nuꞌu̱ ri bätsi (Dt 6:6).
Ungä ntꞌo̱de rä Noya Äjuä, ntini ha yä mhuntsꞌi ꞌne uni ri komentario (Ef 6:4).
HYANDIHU̱ RÄ BIDEO MA GÄ HOKIHU̱ NꞌA RÄ NGUU NÄꞌÄ DI TSE̱TI: MA GÄ UTI MÄ BÄTSIHU̱ «TE MÄ ꞌÑUU DÄ GU̱U̱». MꞌE̱FA THÄDIHU̱ NUYA YÄ NTꞌANI:
¿Hanja dä za dä ꞌñudi yä dada ꞌne yä nänä ge ꞌmu̱i pa dä ntiendebi yä bätsi ꞌne hingä pa ho̱nse̱ dä zu̱i?
¿Hanja di debe yä dada ꞌne yä nänä dä me̱fi nunä konseho uni Santiago 1:19 ora zofo yä bätsi?
¿Te dä za dä me̱fi yä dada ꞌne yä nänä ora yä bätsi di nthintꞌi ha yä xuñha?