RÄ JÄHÑÄ 10
¡Ma gä nsundahu̱ mä Zi Dadahu̱, Jeoba!
1. Bä ehu̱, ma gä nsundahu̱
mä Zi Dadahu̱ Jeoba.
Gä po̱ñhu̱ gä predikahu̱
ge ya ma dä zo̱ rä pa Äjuä.
Jeoba ya bi hñutsꞌi nꞌa rä Tsꞌu̱tꞌhui
pa dä mända yä mexiꞌmhai.
Gä xipäbihu̱ gatꞌho yä jäꞌi
näꞌä ma dä me̱fi Jeoba.
(CORO)
Bä ehu̱, ma gä nsundahu̱
ko rä johya mä Zi Dadahu̱.
2. Gä mahu̱ gä uñhu̱ ntꞌo̱de
de rä mäkä thuhu Jeoba.
Ko ngatꞌho mä korasohu̱
ma gä umfu̱ njamädi Äjuä.
Mäske go geꞌä mä Hyokätehu̱
ꞌne pe̱ꞌtsi gatꞌho rä tsꞌe̱di,
mu̱ gä xatuäbihu̱ Näꞌä o̱de
ꞌne thädi nu mä sadihu̱.
(Coro)
Bä ehu̱, ma gä nsundahu̱
ko rä johya mä Zi Dadahu̱.
(Hyandi ꞌnehe Sal. 89:27; 105:1; Jer. 33:11.)