¿ʼBe̱ʼä di ʼbe̱di pa di njohya ni familia?

NUʼÄ ʼBE̱ʼÄ MANʼÄ BIBLIA

“Nuʼbu̱ gi pähmu̱ʼä di manga̱ ya ʼne thokpäthoho gi ʼyo̱thu̱ʼä, gä njohyahu̱ nangeʼä Ojä ʼbu̱” (Juan 13:17, Ra ʼDaʼyonhogui nangue ma Hmuhu̱ ra Jesucristo, ko yu̱ letra ge nuʼä ñuhü ja ya).

YU̱ NHO GE GÄ PÄHMU̱ʼÄ

Gä tinhmu̱ nuʼä nhuëkäte majuäni (Efesios 5:28, 29).

Gä nʼëspähu̱ ʼna ngü ʼnaju̱ (Efesios 5:33).

Gä mʼbu̱manhohu̱ (Marcos 10:6-9).

¿HA DÄ ZA̱ GÄ ËʼKYËIHU̱ NUʼÄ ʼBE̱ʼÄ MANʼÄ BIBLIA?

Ähä, geʼtho:

• Ojä bi hyoki nuʼä familia. Nuʼä Biblia ëna ge Ojä bi ʼyo̱ʼte ge di nthäti nuʼä mu̱di nʼyohu̱ ʼne nuʼä mu̱di bo̱mbe (Génesis 2:18-24). Yu̱ familia ʼbu̱i geʼtho geʼä Jeoba bi hyoki. Pe̱ ¿hanja jaʼtse̱di gä pähmu̱ʼä?

  Dä mi bëni ge gi si ʼna tu̱hu̱ emme xi nku̱hi ʼne gi ne gi pädi ʼbe̱ʼä i nʼyoui. ¿Toʼo gi ʼya̱nni? ¿Ha hin majuäni ge geʼä toʼo bi hyoki?

  Kexʼtä njabu̱, nuʼbu̱ gi ne gi pädi ʼbe̱ʼä dä za̱ gi ʼyo̱ʼte pa di njohya ni familia, ʼya̱nni nuʼä Jeoba geʼtho geʼä bi hyoki nuʼä familia.

• Ojä i u̱rkähu̱ gue̱nda. Nuʼi ʼne ni familia dä za̱ gi tinhmu̱ nubu̱ ja Biblia yu̱ nzofoʼä Jeoba, geʼtho i u̱rkähu̱ gue̱nda (1 Pedro 5:6, 7). Jeoba i ne nuʼä xi nho pa nangekju̱ ʼne nuʼu̱ yu̱ nzofoʼä nzäntho di ze̱kju̱ (Proverbios 3:5, 6; Isaías 48:17, 18).