NXA̱DI 01
¿ʼBe̱pu̱ dä za̱ di ze̱ʼi nuʼä Biblia?
ʼBe̱ ga̱ʼthogähu̱ di o̱thu̱ yu̱ nʼta̱nni nangeʼä ra te, ra nʼu̱mbi, ra ndäte ʼne ʼbe̱ʼä gä thohmu̱ nuʼu̱ yu̱ pa bä ëpu̱. Kextä tü ma mu̱ihu̱ ʼbe̱pu̱ gä tähmu̱ ma nʼtsihmehu̱ ʼne ma hehu̱ o ʼbe̱pu̱ dä za̱ di njohya ma familiahu̱. Xi ngü yu̱ jäʼi xi nu ge nuʼä Biblia thädi nuʼu̱ yu̱ nʼta̱nni ge emme jaʼtse̱di ʼne kextä xi ndimbu̱ yu̱ hogä nʼtsofo pa na mʼbu̱i ʼna. ¿Toʼo gi mbëni dä za̱ di ze̱di nuʼä mambu̱ ja Biblia?
1. ¿Ndaʼu̱ ʼra yu̱ nʼta̱nni ge thädi nuʼä Biblia?
Nuʼä Biblia thädi nuʼu̱ yu̱ nʼta̱nni ge emme jaʼtse̱di tengü ya: ¿ʼbe̱pu̱ bi neki nuʼä ra te?, ¿hanja di ʼbu̱hmu̱ua?, ¿hanja di nʼu̱mbi yu̱ hokjäʼi?, ¿ha thoki ʼbu̱ʼu̱ xi ndü?, geʼbu̱ ga̱ʼtho yu̱ jäʼi ne di mʼbu̱manho ¿hanja emme ja yu̱ däsu̱i? ʼne ¿ʼbe̱ʼä dä ja nuna ha̱i di ʼbu̱hmu̱? Nuʼä Biblia di mbitagähu̱ gä honhmu̱ na nthädi nuya yu̱ nʼta̱nni ge dä manhmu̱, ʼne emme xi ngü yu̱ jäʼi di johya nangeʼä ʼbe̱ʼä xi nxa̱pu̱ ja Biblia.
2. ¿ʼBe̱pu̱ ni ze̱kju̱ nuʼä Biblia pa gä njohyahu̱ ʼna pa ngü ʼna pa?
Nuʼä Biblia di ʼrakju̱ yu̱ hogä nʼtsofo. Tengü, xa̱mbi nuʼu̱ yu̱ familia ʼbe̱pu̱ dä za̱ ge njuäntho di njohya. Kextä di ze̱kju̱ geʼbu̱ di nxo̱mu̱ihu̱ ʼne hindi päʼtho ʼbe̱ʼä gä o̱thu̱, ʼne ʼbe̱ʼä dä za̱ gä o̱thu̱ pa dä za̱ gä njohyahu̱ nangeʼä ma ʼbe̱fihu̱. Mentia na nxa̱hmu̱ na su̱kuä, nuʼi gi pädi ʼbe̱ʼä mambu̱ Biblia nangehya ʼne nangeʼu̱ miʼra yu̱ nhma. ʼNe genhma gi pädi ge “ga̱ʼtho na ʼtohni Ojä [...] mahyoni” (2 Timoteo 3:16).
Nuna su̱kuä hindi po̱rpe nuʼä Biblia. Go manʼna dä ze̱ʼi nuʼbu̱ gi nxa̱di. Njabu̱ di mbitaʼähe ge gi hyoni ga̱ʼtho yu̱ texto bä ʼyëkua ja su̱kuä ʼne gi hyandi nuʼä ʼbe̱ʼä mambu̱ geʼbu̱ di nthe̱ui ko nangeʼä gi nxa̱di.
GÄ PÄHMU̱ MANʼNA NANGEHNA
Gä nuhu̱ ʼbe̱pu̱ xi ze̱di miʼra yu̱ jäʼi nuʼä mambu̱ ja Biblia, ʼbe̱ʼä dä za̱ gä o̱thu̱ pa gä hohu̱ gä manhmu̱ʼä Biblia ʼne ʼbe̱ʼä ma nho gä nuhu̱ geʼbu̱ ʼbu̱ʼä dä ze̱kju̱ gä nxa̱hmu̱.
3. Nuʼä Biblia di ze̱kju̱ʼä
Nuʼä Biblia tengü ʼna ra sibiʼä, ge emme se̱hna nyoʼti ʼne di yorbu̱ hapu̱ na mba̱ha̱. Sa̱ di ze̱kju̱ pa gä huanhnu̱ xi nho nuʼä gä o̱thu̱ ʼne pa gä pähmu̱ ʼbe̱ʼä dä thogi nuʼu̱ yu̱ pa bä ëpu̱.
Dä mi nuui Salmo 119:105 ʼne manhmi nangehna:
¿ʼBe̱ʼä mi mbënʼä bi ʼyoʼtä salmo nangeʼä Biblia?
¿ʼBe̱ʼä gi mbënge nangeʼä Biblia?
4. Nuʼä Biblia thädi nuʼu̱ yu̱ nʼta̱nni ge jaju̱
Xi ngü yu̱ je̱ya ʼna xisu bi ʼyo̱ʼte yu̱ nʼta̱nni ge njoʼo toʼo mi xifi ʼbe̱ʼä na mbo̱nʼu̱, asta nuʼbu̱ mi dimbu̱ Biblia. Dä mi nuui nuʼä BIDEO ʼne manhmi nangehna:
¿ʼBe̱ʼä ma nʼta̱nni mi jaʼä ra xisu?
¿ʼBe̱pu̱ bi ze̱ʼä xisu ge bi nxa̱ʼä Biblia?
Nuʼä Biblia di mbitagähu̱ ge gä o̱thu̱ yu̱ nʼta̱nni. Dä mi nuui Lucas 11:9 ʼne manhmi nangehna:
¿Ha gi mbëni ge nuʼä Biblia dä za̱ dä dädi nuʼu̱ ʼra ni nʼta̱nni ge jaʼi? Geʼbu̱ hähä, ¿ndaʼu̱?
5. Dä za̱ gi ho gi manʼä Biblia
Xi ngüʼu̱ di ho dä manʼä Biblia ʼne xi nu yu̱ nho nangeʼä. Dä mi nuui nuʼä BIDEO ʼne manhmi nangehna:
¿ʼBe̱ʼä manʼu̱ yu̱ ʼtsu̱nʼtu̱ ʼne yu̱ hmüte ge po̱mbu̱ ja bideo nangeʼä ge dä man yu̱ su̱kuä?
¿Hanja hingä ngübu̱ mbëni nuʼbu̱ manʼä Biblia?
Nuʼä xa̱ngähu̱ʼä Biblia hürkä ma mu̱ihu̱ ya, ʼne nuʼu̱ yu̱ pa bä ëpu̱. Dä mi nuui Romanos 15:4 ʼne manhmi nangehna:
¿Ha gi ne gi pädi manʼna nangeʼä thüʼtämu̱i di ünʼä Biblia?
6. ʼBu̱ʼu̱ miʼra dä za̱ di ze̱kju̱ pa gä pähmu̱ ʼbe̱ʼä mambu̱ ja Biblia
Madägeʼä ʼbu̱ʼu̱ manse̱ʼä Biblia, pe̱ xi ngüʼu̱ xi nu yu̱ nho ge ʼbu̱ʼä di ze̱di di nxa̱di. Dä mi nuui Hechos 8:26-31 ʼne manhmi nangehna:
¿ʼBe̱ʼä mahyoni pa gä pähmu̱ nuʼä mambu̱ Biblia? (Hyandui nuʼu̱ yu̱ bersikulo 30 ʼne 31).
Nuʼä nʼyohu̱ mengü bu̱ Etiopía bi hyoni ra mfa̱ʼtsi pa dä bädi nuʼä ʼbe̱ʼä mi mambu̱ na Nhman Ojä. Nuʼu̱ yu̱ pa jabu̱ya, xi ngüʼu̱ nu yu̱ nho ge ʼbu̱ʼä di ze̱di di nxa̱ʼä Biblia.
NUʼÄ ʼBE̱ʼÄ MANʼU̱ ʼRA YU̱ JÄʼI: “Gä ʼbe̱ʼtho ma ora nuʼbu̱ gä nxa̱ʼä Biblia”.
Nuʼe, ¿ʼbe̱ʼä gi mbënge? ¿Hanja ngübu̱ gi mbëni?
NUʼÄ MANʼNA JAʼTSE̱DI
Nuʼu̱ yu̱ nʼtsofoʼä Biblia di ze̱kju̱ ʼna pa ngü ʼna pa, thäʼu̱ yu̱ nʼta̱nni emme jaʼtse̱di ʼne hürkä ma mu̱ihu̱.
Nuʼä dä pähmu̱
¿ʼBe̱ʼä ma nʼtsofo di tinhmu̱ bu̱ Biblia?
¿Ndaʼu̱ ʼra yu̱ nʼta̱nni ge thäʼä Biblia?
Xiʼe, ¿ʼbe̱ʼä gi ne gi päpu̱ ja Biblia?
DÄ MI PÄDI MANʼNA
Dä mi pädi hanja nuʼu̱ yu̱ nʼtsofoʼä Biblia emme di ze̱ʼä ʼna nuʼu̱ yu̱ pa jabu̱.
“Nuʼä mfädi jabu̱ ja Biblia njämʼbu̱ dä guaʼä” (La Atalaya, núm. 1 2018)
Hyandi ʼbe̱pu̱ bi ze̱ʼä Biblia ʼna ra nʼyohu̱ ge desde mi nʼtu̱hni mi sa̱ ge te ma di muui.
Dä mi pädi nuʼu̱ yu̱ hogä nʼtsofo ge di ünʼä Biblia pa di njohya ni familia.
“12 yu̱ nʼtsofo pa di njohya ni familia” (¡Despertad!, núm. 2 2018)
Dä mi nu ʼbe̱pu̱ nuʼä Biblia di hoki ʼna nʼyomfëni ge hingi po̱manho nangeʼä toʼo di manda ra ximha̱i.