NXA̱DI 12
¿ʼBe̱ʼä dä ze̱ʼi gi thoki gi nxa̱ʼä Biblia?
ʼBu̱ʼu̱ ʼra yu̱ jäʼi di hëi ge di nxa̱ʼä Biblia, pe̱ geʼbu̱ di nxa̱ʼä Biblia, emme xi ngü yu̱ nho ʼne yu̱ njäpi dä hyäni. Dä za̱tho, jaʼbu̱ gi mbëni ge ya hindä za̱ gi thoki gi nxa̱ʼä Biblia. Pe̱, ¿hanja mahyoni ge gi nxa̱ʼä Biblia? ¿ʼBe̱ʼä dä ze̱ʼi gi thoki gi nxa̱di madägeʼä jaʼi yu̱ hëi?
1. ¿Hanja ge xi nho ge gä nxa̱hmu̱ʼä Biblia?
“Pe̱ nuʼä na nhman Ojä di mpe̱fi tengüʼbu̱ ra the̱ni yoho yu̱ he̱ʼti, pe̱ manʼna i ja na ʼtse̱diʼä xindä ge ra the̱ni, ge i sa̱ dä zo̱rbu̱ mbo ni mu̱i ʼna” (Hebreos 4:12). Nuʼä Biblia emme di muuiʼä geʼtho mambu̱ ʼbe̱ʼä mbënʼä Ojä ʼne ʼbe̱ʼä ne pa nangeʼi. Xi ngü ʼbe̱ʼä manʼna gi pädi, ʼne dä za̱ gi pädi ʼbe̱ʼä gi ʼyo̱ʼte pa dä za̱ manʼna gi mʼbu̱manho nuya ʼne nuʼu̱ yu̱ pa bä ëpu̱. ʼNe nuʼä manʼna mahotho, ge nuʼä Biblia di ze̱ʼi pa dä za̱ gi nʼamigouiʼä Jeoba. ʼNa pa ʼne ngü ʼna pa ge gi nxa̱ʼä Biblia, manʼna gi njohyabu̱ ni mʼbu̱i.
2. ¿Hanja jaʼtse̱di gä pähmu̱ ge di muuiʼä mambu̱ ja Biblia?
Nuʼä nʼtoʼtibu̱ ja Biblia emme di muuiʼä, tengütho ra oro ʼne ra plata. Nangeʼä, nuʼä Biblia xikju̱ gä ta̱nhmu̱ nuʼä majuäni nʼtoʼtibu̱ ʼne hingä pa̱hu̱ (Proverbios 23:23). Nuʼbu̱ hingä pumbënihu̱ ge emme di muui nuʼä nʼtoʼtibu̱ ja Biblia, gä hähmu̱ ma ʼtse̱dihu̱ ge gä thoki gä nxa̱hmu̱, madägeʼä gä thohmu̱ yu̱ hëi (dä mi nu Proverbios 2:4, 5).
3. ¿ʼBe̱pu̱ dä ze̱ʼi nuʼä Jeoba gi thoki gi nxa̱ʼä Biblia?
Nuʼä Jeoba bi hoki ga̱ʼthoʼä ja, ni amigoʼä, päʼi xi nho ʼne ne dä ze̱ʼi ge manʼna gi pädi nangeʼä. Nuʼä Ojä “di ʼrakju̱ na pa̱ha̱ ʼne na ʼtse̱di ge gä o̱rbähu̱ na pa̱ha̱” (dä mi nu Filipenses 2:13). Dä za̱tho jaʼbu̱ tü ni mu̱i o hingi ne gi thoki gi nxa̱di, o ge gi mbëni ge xi nhëi gi te̱nnu̱ yu̱ nʼtsofo ge bä ʼyëpu̱ ja Biblia, o di tü ni mu̱i, nuʼä Ojä dä ze̱ʼi. Dä za̱tho, ʼbu̱ʼu̱ yu̱ jäʼi o ʼbu̱ʼu̱ ni mëni ge hingi numanho gi nxa̱ʼä Biblia, o jaʼä di hënʼi pa gi nxa̱ʼä Biblia, o di tü ni mu̱i, Jeoba dä ze̱ʼi. Dä mi thoki gi ʼya̱ʼpä Jeoba dä ze̱ʼi gi nxa̱ʼä Biblia (1 Tesalonicenses 5:17).
GÄ PÄHMU̱ MANʼNA NANGEHNA
Gä nuhu̱ ʼbe̱ʼä dä za̱ gi ʼyo̱ʼte pa gi thoki gi nxa̱ʼä Biblia madägeʼä di mʼbu̱hyu̱ jäʼi di nkue̱ ʼne hindä numanho gi nxa̱di, o geʼbu̱ hinyu̱ ni tiempo. ʼNe kextä gä nuhu̱ ʼbe̱pu̱ dä ze̱ʼi Jeoba.
4. Dä mi ʼyüdi ge ni nxa̱di nangeʼä Biblia emme jaʼtse̱di pa nangeʼi
Jaʼbu̱ ʼnandi xi ngü ʼbe̱ʼä di hënju̱ pa gä nxa̱hmu̱ʼä Biblia. Pe̱ ¿ʼbe̱ʼä dä za̱ gi ʼyo̱ʼte? Dä mi nuui Filipenses 1:10 ʼne manhmi nangehna:
¿Ndaʼä gi mbëni ge manʼna jaʼtse̱di ge gä o̱thu̱?
¿ʼBe̱pu̱ dä za̱ gi ʼyüdi ge pa nangeʼi manʼna jaʼtse̱di gi nxa̱ʼä Biblia?
Nuʼbu̱ gi ne gi ñuʼtsä ʼna bote ge ra ʼbomü ʼne mʼbe̱fa gi ʼyu̱rpä yu̱ do, nuʼu̱ yu̱ do hindi nʼye̱mbu̱.
Pe̱ nuʼbu̱ mu̱di gi ʼyu̱ʼtyu̱ do bu̱ ja bote ʼne mʼbe̱fa gi ʼyu̱ʼtä ʼbomü, manʼna di guapu̱ʼu̱. Njarbu̱thoho, nuʼbu̱ gi ʼbe̱ʼtobäbu̱ ni mʼbu̱i nuʼä manʼna jaʼtse̱di dä za̱ gi ʼyo̱ʼtä manʼä Ojä ʼne dä bongni tiempo pa gi ʼyo̱ʼtä manʼna gi ne.
Ga̱ʼtho yu̱ jäʼi di honhmu̱ʼä Ojä, ʼne nuʼbu̱ hinnangeʼä hindä za̱ gä mʼbu̱hmu̱, nangeʼä nuʼbu̱ di nxa̱hmu̱ʼä Biblia emme di johyahu̱ ge di pähmu̱ʼä Jeoba ʼne ge di thännehu̱. Dä mi nuui Mateo 4:4 ʼne manhmi nangehna:
Nubu̱ gä ʼbe̱ʼtobähu̱bu̱ ma mʼbu̱ihu̱ ge gä nxa̱hmu̱ʼä Biblia, ¿ʼbe̱ʼä ma nho ʼne ʼbe̱ʼä ma njäpi gä hänhmu̱?
5. Dä mi thoki gi nxa̱di madägeʼä ʼbu̱ʼu̱ miʼra di nkue̱
Dä za̱tho di mʼbu̱ʼu̱ ʼra yu̱ jäʼi ge dä zu̱ʼi ʼne dä ʼyënʼi ge hinmajuäni ʼne hingi jaʼtse̱di gi nxa̱ʼä Biblia. Dä mi hyandi ʼbe̱ʼä bi ʼyo̱ʼtä Francesco. Dä mi nuui ä BIDEO ʼne manhmi nangehna:
¿ʼBe̱ʼä bi ʼyo̱ʼtä na familia ʼne yu̱ amigoʼä Francesco nuʼbu̱ mi bädi ge mi nxa̱ʼä Biblia?
¿Hanja bi bo̱manho ge bi thoki bi nxa̱ʼä Biblia?
Dä mi nuui 2 Timoteo 2:24, 25 ʼne manhmi nangehna:
¿ʼBe̱ʼä manʼu̱ ni familia ʼne nuʼu̱ ni amigo ge gi nxa̱ʼä Biblia?
Geʼbu̱ ʼbu̱ʼu̱ ʼra ge hingi numanho ge gi nxa̱ʼä Biblia, ¿ʼbe̱ʼä dä nuhu̱bu̱ ja yu̱ bersikulo ge ja gi ʼyo̱ʼte? ¿Hanja ngübu̱ ja gi ʼyo̱ʼte?
6. Gi ka̱mfëni ge nuʼä Jeoba dä ze̱ʼi
Nuʼbu̱ manʼna di nsixmanhohu̱ʼä Ojä, manʼna emme di nehu̱ ge gä o̱thu̱ ge di njohyaʼä. Madägeʼä jaʼbu̱ xi nhëi gä pa̱hmu̱ ma mʼbu̱ihu̱ ʼne gä te̱nhnu̱ yu̱ nʼtëdi Ojä, geʼbu̱ ngübu̱ gi mbëni o di tü ni mu̱i, Jeoba dä ze̱ʼi. Dä mi nuui ä BIDEO ʼne manhmi nangehna:
¿ʼBe̱ʼä bi yo̱ʼtä Jim pa di pa̱di na mʼbu̱i ʼne dä ʼyo̱ʼtä neʼä Jeoba?
¿ʼBe̱ʼä manʼna gi ho nangeʼä bi ʼyo̱ʼtä Jim?
Dä mi nuui Isaías 3:10 ʼne manhmi nangehna:
¿ʼBe̱ʼä dä ʼyo̱ʼtä Jeoba pa nangeʼu̱ yu̱ jäʼi ne dä bädi manʼna xi nho nangeʼä ʼne kextä dä ne dä ʼyo̱ʼte nuʼä na pa̱ha̱?
¿ʼBe̱ʼä gi mbëni ge sa̱ ʼne mbënʼä Jeoba nubu̱ handi ge gi o̱ʼtä ʼtse̱di ge gi nxa̱ʼä Biblia?
NUʼU̱ YU̱ NʼTA̱NNI O̱ʼTU̱ ʼRA YU̱ JÄʼI: “Xiʼe, ¿hanja gi nxa̱ʼä Biblia ko nuʼu̱ yu̱ testigo ä Jeoba?”.
¿ʼBe̱ʼä gi thädi geʼbu̱ dä siʼi ngübu̱?
NUʼÄ MANʼNA JAʼTSE̱DI
Dä za̱tho jaʼbu̱ xtä nhëi ge gi nxa̱ʼä Biblia, pe̱ nuʼbu̱ gi hyümbi gi nxa̱di, dä za̱ gi mʼbu̱i pa nzäntho. Nuʼbu̱ gi thoki gi ka̱mfëniʼä Jeoba, nuʼä dä jäʼpiʼi.
Nuʼä dä pähmu̱
¿Hanja gi mbëni ge emme di muui nuʼä nʼtoʼtibu̱ ja Biblia?
Nuya ge gä pädi nuʼä jaʼtse̱di ge mambu̱ ja Biblia, ¿ʼbe̱ʼä ja ge gi ʼyo̱ʼte?
¿Hanja mahyoni ge gi ʼya̱ʼpä Jeoba ge di ze̱ʼi gi thoki gi nxa̱ʼä Biblia?
DÄ MI PÄDI MANʼNA
Dä mi pädi goho yu̱ nʼtsofo ge xi ze̱di xi ngü yu̱ jäʼi pa dä hyoni xi nho na tiempo.
“Dä mi hyoni xi nho ni tiempo” (¡Despertad!, febrero ge 2014)
ʼNa xisu mi ne dä ʼyo̱ʼtä na pa̱ha̱ Ojä, pe̱ nuʼä na ndo̱ hinmi numanho nuʼä mi o̱ʼte. Dä mi pädi ʼbe̱pu̱ i ze̱ʼä Jeobaʼä zu̱ xisu.
Dä mi nubu̱ ja bideo ge ʼna xisu himbi hye̱gi ge bi nxa̱ʼä Biblia ʼne geʼä bi ʼyo̱ʼte ge nuʼä na ndo̱ bi ne dä bädi nangeʼä Ojä.
Dä nxa̱di xi nho pa gä päʼbu̱ majuäniʼä manʼu̱ yu̱ testigo (6:30)
Jaʼbu̱ ʼtëmbi ge nuʼu̱ yu̱ testigo di heke o ʼuëni yu̱ familia. ¿Hä majuäniʼä manʼu̱ yu̱ jäʼi?
“Nuʼu̱ yu̱ testigo, ¿ha di heke yu̱ familia o di ze̱di ge di nsixmanho?” (Bä ʼyëpu̱ jw.org)